Mamyrda jaýyn-shashyn shamadan kóp bolady – Qazgıdromet
«Bir aı boıy aýa raıy turaqsyz bolady, jańbyr jaýyp, naızaǵaı oınaıdy, ekpindi jel soǵady, keı jerlerde burshaq túsedi. Birneshe kún joǵary temperatýralyq fon saqtalady dep boljanyp otyr. Respýblıkanyń soltústik bóliginde kúndiz aýa temperatýrasy +35°C deıin, ońtústik bóliginde +40°C deıin ystyq bolady», - dedi «Qazgıdromet» RMK baspasóz hatshysy Alına Ismagýlova OKQ alańynda ótken brıfıngte.
Sýyq tolqyndarda aýa temperatýrasy tómendeıdi. Soltústik, shyǵys jáne ortalyq aımaqtarda, sondaı-aq eldiń ońtústik-shyǵysyndaǵy taýly aýdandarda túnde -5 gradýsqa deıin, kúndiz +15°C deıin, batysta jáne QR ońtústik bóliginde - túnde +5 gradýsqa deıin, kúndiz +26°C deıin boljanyp otyr.
«Mamyr aıynda aýa temperatýrasy respýblıkanyń basym bóliginde normadan 1-2° joǵary bolady dep boljanyp otyr. Onda jaýyn-shashyn mólsheri elimizdiń batysynda, ońtústik, ortalyq óńirlerinde shamadan kóp bolady», – dedi Qazgıdromet baspasóz hatshysy.