Mamın jekemenshik mektep oqýshylaryna áleýmettik kómek kórsetýge qatysty pikir bildirdi
Aıta keteıik, bıyl qazan aıynda senator Nurlan Beknazarov Úkimet basshysynyń atyna joldaǵan depýtattyq saýalynda osy máselege nazar aýdarǵan edi.
«Orta bilim berý uıymdaryn jan basyna shaqqandaǵy normatıvtik qarjylandyrý balalardy bastaýysh, orta jáne jalpy orta bilimmen qamtamasyz etýge memlekettik bilim berý tapsyrysyn (memlekettik tapsyrys) ornalastyrý negizinde barlyq tolyq jıyntyqtalǵan qalalyq memlekettik jáne jekemenshik mektepterde iske asyrylady. Jan basyna shaqqandaǵy qarjylandyrý modeline eńbekaqy tóleýge, kommýnaldyq qyzmetterge, baılanys qyzmetterine arnalǵan shyǵystar, kúrdeli shyǵystar jáne muǵalimder úshin yntalandyrýshy qordy qalyptastyrýǵa arnalǵan shyǵystar kiredi.
«Bilim týraly» QR Zańynda memlekettik bilim berý uıymdarynyń bilim alýshylary men tárbıelenýshilerine jalpy bilim beretin mektepterdi aǵymdaǵy kútip-ustaýǵa jáne sharýashylyq júrgizý quqyǵyndaǵy memlekettik kásiporyndarda orta bilim berýge memlekettik tapsyrysty ornalastyrýǵa bólinetin bıýdjet qarajatynyń keminde eki paıyzy mólsherinde qarjylaı jáne materıaldyq kómek kórsetý kólemi bekitilgen», - dep jazdy A. Mamın depýtattyq saýalǵa jaýap bere otyryp.
Zańnyń 8-babynyń 4-tarmaǵyna sáıkes, memleket áleýmettik kómekke muqtaj Qazaqstan Respýblıkasynyń azamattarynyń bilim alýy kezeńinde qarjylaı shyǵystaryn tolyq nemese ishinara óteıdi. Bul rette jergilikti bıýdjet esebinen áleýmettik kómek kórsetý, onyń mólsherin belgileý jáne muqtaj azamattardyń jekelegen sanattarynyń tizbesin aıqyndaý qaǵıdalaryn bekitý oblystar men aýdandar (oblystyq mańyzy bar qala), respýblıkalyq mańyzy bar qala, astana máslıhattarynyń quzyretine jatqyzylǵan.
«Bilim alýshylardyń jekelegen sanattaryna materıaldyq kómek kórsetýdiń problemaly máseleleri Úkimette oblystar, Nur-Sultan, Almaty, Shymkent qalalary ákimderi orynbasarlarynyń, «Atameken» UKP-nyń qatysýymen ótken keńeste talqylandy. Onyń qorytyndysy boıynsha 2021 jylǵy 1 jeltoqsanǵa deıingi merzimde bilim alýshylar men tárbıelenýshilerge qarjylaı jáne materıaldyq kómek kórsetýge arnalǵan qarajat kólemin jalpy bilim beretin mektepterdi aǵymdaǵy kútip-ustaýǵa ári sharýashylyq júrgizý quqyǵyndaǵy memlekettik kásiporyndarda orta bilim berýge memlekettik tapsyrysty ornalastyrýǵa bólinetin bıýdjet qarajatynyń jıyntyq kóleminiń keminde 2% mólsherine jetkizý tapsyryldy. Sondaı-aq Bilim jáne ǵylym mınıstrligine sizder kóterip otyrǵan jekemenshik mektep oqýshylarynyń jekelegen sanattaryna áleýmettik kómek kórsetý boıynsha máselelerdi zańnamaǵa ózgerister engizý bóliginde pysyqtaý tapsyryldy. Jumystyń qorytyndysy týraly mınıstrlik osy másele boıynsha tıisti aqparatty qosymsha jiberetin bolady», - dedi A. Mamın.