Mamın «Qazaqstan - Qytaı» óńiraralyq yntymaqtastyq forýmyna qatysty
Forýmda sonymen birge, QHR Memlekettik keńesi premeriniń orynbasary Chjan Gaolı boldy.
Óńiraralyq yntymaqtastyq forým Qazaqstan jáne Qytaı basshylary Nursultan Nazarbaev pen Sı Tszınpınniń bastamasymen uıymdastyrylǵan.
Qazaqstan tarapynan jıynǵa Shyǵys Qazaqstan oblysynyń ákimi Danıal Ahmetov, Qostanaı oblysynyń ákimi Arhımed Muhambetov, oblys ákimderiniń orynbasarlary, mınıstrlikterdiń, ulttyq kompanııalardyń, bıznes-birlestikterdiń ókilderi qatysty. Al Qytaı tarapynan provıntsııalardyń basshylary, memlekettik organdar men iri kompanııalardyń jetekshileri keldi.
«Eki eldiń basshylarynyń bastamasymen ótkizilip jatqan forým dostyqty, kórshi memleketter retinde tatý-tátti qarym-qatynas pen strategııalyq seriktestikti nyǵaıtýǵa tyń serpin beredi», - dedi Asqar Mamın sharanyń ashylý saltanatynda.
QR Premer-Mınıstriniń birinshi orynbasary Asqar Mamın óz sózinde forýmnyń eki eldiń arasyndaǵy eń mańyzdy suraqtardy talqylaýda, eki jaqty dıalogty tereńdete túsýde jáne eń bastysy «Nurly jol» baǵdarlamasy men «Bir beldeý - bir jol» jobasyn túıistire biletin biregeı alań bolatynyna senim bildirdi.
«Memleket basshysy Nursultan Nazarbaevtyń «Jibek jolynyń ekonomıkalyq beldeýin» «Nurly jol» baǵdarlamasymen túıistirýge baǵyttalǵan bastamasy ınvestıtsııa tartyp, ınfraqurylymdyq jobalar boıynsha eki eldiń qarym-qatynastaryn úılestirýge múmkindik berdi», - dedi Asqar Mamın.
QR Úkimet basshysynyń birinshi orynbasary eń mańyzdy qujattardyń biri retinde 2015-2020 jyldarǵa arnalǵan QR men QHR-nyń shekara yntymaqtastyǵy baǵdarlamasyn atap ótti.
«Qazaqstannyń barlyq 16 óńiriniń Qytaıdaǵy ár túrli provıntsııalardyń kompanııalarymen iskerlik qarym-qatynastar men birlese júzege asyratyn jobalary bar», - dedi Mamın.
Asqar Mamın sonymen birge sany boıynsha EKSPO «Qytaı-ASEAN» 14-shi jumysyna qatysyp, Qazaqstannyń ulttyq pavılonyn ashty. Qazaqstandyq pavılonda otandyq óndirýshilerdiń ár túrli otandyq ónimderi kórsetilgen 20 stendten turady.
«EKSPO «Qytaı-ASEAN» 14-shi jumysyna qatysý Qazaqstan úshin «Jibek jolynyń ekonomıkalyq beldeýi» men «Nurly jol» baǵdarlamasyn, Qazaqstannyń damý baǵdarlamasy men Qytaıdyń jáne Ońtsúik-Shyǵys Azııa elderi qaýymdastyǵy músheleriniń baǵdarlamalaryn túıistirýge qosymsha serpinin beredi», - dedi ol.
Іssapar aıasynda QR Premer-Mınıstriniń birinshi birinshi orynbasary China National Chemical Engineering Co.Ltd, China General Technology Holding Ltd, CITIC Group, Xin Xin Corporation, China Railways Engineering Group Co, TBEA Heng Yang Transformer Co jáne taǵy sol sekildi qytaılyq iri kompanııalardyń jetekshilerimen kezdesý ótkizdi.
Forým aıasynda «Kazakh Invest» UK» AQ basqarma tóraǵasy Maqsat Qabashev pen «Silver Tiger Capital» kompanııasynyń basshysy Tsýı Lýnfeı jalpy kapıtaly 250 mıllıon AQSh dollaryn quraıtyn ınvestıtsııalyq qor qurý boıynsha yntymaqtastyq týraly kelisimge qol qoıdy.
«Aitey Group» basqarma holdınginiń tóraǵasy Seıitjan Esimov pen «Stone Stock» kompanııa basqarmasynyń tóraǵasy Hý Tszınpeı strategııalyq yntymaqtastyq ornatý jóninde kelisimge qol qoıdy.