Mamın: 2016 jyly avtojol ınfraqurylymyn jańǵyrtý boıynsha edáýir jumys atqaryldy
Budan ózge, Shymkent - Tashkent ýchaskesinde (100 km, 4 jolaq), Almaty - Qapshaǵaı (104 km, 6-jolaqty qozǵalys) jáne Qapshaǵaı - Taldyqorǵan (141 km), Astana - Temirtaý (171 km), Aqtaý - Beıneý (470 km, 4-jolaqty qozǵalys) avtojoldarynda jol ashylady.
Qozǵalys 6,4 jáne 2 jolaq boıynsha júzege asyrylatyn Astana - Kókshetaý - Petropavl (489 km) dálizi tolyq ashyldy.
Eske salsaq, Úkimet Úıinde QR Premer-Mınıstriniń birinshi orynbasary Asqar Mamınniń tóraǵalyǵymen respýblıkalyq jáne jergilikti mańyzy bar avtomobıl joldarynyń jelisin, sondaı-aq jol boıyndaǵy servıs nysandaryn damytý máseleleri boıynsha selektorlyq keńes ótken bolatyn.
Keńes barysynda QR ınvestıtsııalar jáne damý mınıstri Jeńis Qasymbektiń, QR Investıtsııalar jáne damý vıtse-mınıstri Berik Qamalıevtiń, «QazAvtoJol» UK» AQ basqarma tóraǵasy Ermek Qızatovtyń, oblys basshylarynyń esepteri tyńdaldy.
Esepterge sáıkes, avtomobıl joldaryn jóndeý boıynsha barlyq josparlar aǵymdaǵy jyly oryndaldy. 2016 jyldyń qorytyndysy boıynsha respýblıkalyq mańyzy bar 924 km avtojoldy jóndeý aıaqtaldy.
2016 jyldyń sońyna deıin «Batys Eýropa - Batys Qytaı» dálizinde tutastaı, «Ortalyq - Ońtústik» dáliziniń Astana - Temirtaý jáne Almaty - Qapshaǵaı ýchaskelerinde qozǵalys ashylady. Batysta Aqtaý - Beıneý avtojolynda qozǵalys ashylady. Qazirgi ýaqytta Kókshetaý - Petropavl avtojoly ashyldy. Qostanaıdaǵy Tobyl ózeni jáne Pavlodar oblysynda Ertis ózeni arqyly ótetin kópirler paıdalanýǵa berildi.
Aǵymdaǵy jyly respýblıkalyq mańyzy bar 1 200 km avtojolda kúrdeli, ortasha jáne aǵymdaǵy jóndeý júrgizildi.
2017 jyly respýblıkalyq mańyzy bar 2 myń km-ge jýyq avtojoldy jóndeý jumystarymen qamtý jáne 555 km joldy paıdalanýǵa berý josparlanǵan, onyń ishinde «Ortalyq - Shyǵys» dálizi boıynsha - 208 km, Qapshaǵaı - Taldyqorǵan - 24 km, Beıneý - Aqtaý - 230 km, Qordaı aýylyndaǵy aınalma jol - 40 km, Oral - Kamenka - 27 km jáne Aqtóbe - Atyraý - 26 km.
«Biz sondaı-aq, «Astananyń Ońtústik-Batys aınalma jolynyń», Jetibaı-Jańaózen, Beıneý-Aqjigit, Qostanaı-Denısovka, Taldyqorǵan-Óskemen, Qurty-Býrylbaıtal jáne t.b. jańa ýchaskelerin qaıta qurý jumystaryn bastaýdy josparlaýdamyz», - dedi vıtse-mınıstr.
Keńes barysynda avtojoldardyń jergilikti jelisin damytý máseleleri qaraldy. Qazaqstandaǵy jergilikti mańyzdaǵy avtojol jelisiniń jalpy uzyndyǵy 72,8 myń km-di quraıdy.
Búgingi tańda jergilikti jelide jol-jóndeý jumystarymen 2 myń km-den astam avtojol qamtylǵan, sonyń ishinde 130 km qurylys pen qaıta qurý, 1 884 km kúrdeli jáne ortasha jóndeý jumystary júrgizilýde.
Sonymen qatar, Aqmola, Aqtóbe, Batys Qazaqstan, Qostanaı jáne Pavlodar oblystarynda jergilikti bıýdjetten jetkiliksiz qarjylandyrýdyń baıqalatyny aıtyldy.
A. Mamın jergilikti avtokólik joldarynyn tıisti sapamen qamtý osy salanyń basym mindetteriniń biri sanalatynyn eskerdi. Osyǵan oraı, oblys ákimderine 2017 jylǵa jergilikti mańyzdaǵy avtokólik joldaryn damytýǵa, jóndeýge jáne ony qamtýǵa jergilikti bıýdjetten qarjy kólemin ulǵaıtý tapsyryldy.
Jol boıyndaǵy servıs nysandaryn damytý máselesi boıynsha sońǵy jyldary respýblıkalyq mańyzy bar joldarda jyl saıyn 6%-dyq deńgeıde júk tasymalynyń turaqty úderisiniń artqany baıqalady.
Joldaǵy avtotasymaldardy ári qaraı zamanaýı, sapaly qyzmettermen qamtamasyz etý maqsatynda 2015 jyly Jol boıy servısi nysandaryna arnalǵan Qazaqstannyń ulttyq standarty bekitilgen bolatyn.
Búginde respýblıkada shamamen 2,5 myń jekelegen servıs nysandary qyzmet kórsetedi, onyń kóbi AJQS jáne saýda men tamaqtaný oryndary, onyń 80%-y bekitilgen standarttardyń talaptaryna sáıkes kelmeıdi.
«Nurly jol» baǵdarlamasyna sáıkes, 2020 jylǵa deıin negizgi avtojoldarda standartqa saı keletin servıstiń birinshi kezektegi 260 nysany ornalastyrylatyn bolady.
Olardyń jergilikti atqarýshy organdarmen kelisilgen túrde birqalypty ornalasýy úshin atalǵan nysandardy A, V, S jáne D sanatymen ornalastyrýdyń syzbasy QR ınvestıtsııalar jáne damý mınıstriniń buıryǵymen ázirlenip, bekitildi.
Sharalardyń óńirlik josparlarynyń negizinde bıylǵy jyldyń jeltoqsanynda «QazAvtoJol» 20 myńnan astam adam jumys isteıtin, jol servısiniń birinshi kezekti nysandarynyń damýy men qoldanystaǵy nysandardy jetildirýden turatyn 2020 jylǵa deıingi jol boıy servısin damytý baǵdarlamasynyń jobasyn ýákiletti organnyń qaraýyna jiberýdi josparlaıdy.
Selektorlyq jıynnyń qorytyndysyn shyǵara otyryp, QR Premer-Mınıstriniń birinshi orynbasary «2016 jyly Qazaqstannyń avtojol ınfraqurylymyn jetildirý jóninde edáýir jumystyń atqarylǵanyn» aıtty. Sonymen birge, QR Investıtsııalar jáne damý mınıstrligine jergilikti atqarýshy organdarmen jáne «QazAvtoJol» UK» AQ-men 2017 jyly qurylys jumystaryn ýaqytyly bastaý;
2017 jyldyń 1 sáýirine deıin 2020 jylǵa deıin halyqaralyq jáne respýblıkalyq mańyzdaǵy avtokólik joldarynnyń Jol servısin damytý baǵdarlamasyn jáne ony iske asyrý boıynsha sharalar josparyn bekitý jóninde tapsyrma berdi.