Mámı Egıpet Konstıtýtsııalyq Joǵarǵy Sotynyń Tóraǵasymen kezdesti
Іs-sharaǵa Joǵarǵy Sottyń qylmystyq ister jónindegi sot alqasynyń tóraǵasy A.Rahmetýlın de qatysty.
Joǵarǵy Sot Tóraǵasy bul kezdesýdiń eki eldiń sot júıesi arasyndaǵy yntymaqtastyqty odan ári nyǵaıtýda mańyzdy ról atqaratynyna senim bildirdi. «Bizdiń elder arasyndaǵy qarym-qatynas ózara túsinistik pen senimniń dástúrli ahýalynda damyp kele jatyr. Egıpet Soltústik Afrıkadaǵy Qazaqstannyń negizgi seriktesi bolyp tabylady», - dedi Q.Mámı.
Sheteldik meımanǵa respýblıkanyń sot júıesi tanystyryldy. Áńgime barysynda aǵymdaǵy jyly Qazaqstan Konstıtýtsııasyna aıtarlyqtaı ózgeristerdiń engizilgenine erekshe kóńil bólindi. Joǵarǵy Sot basqa memlekettik organdar sııaqty sot qurylymy, sot isin júrgizý jáne sot tóreligin júzege asyrý máseleleri boıynsha aldaǵy reformaǵa sáıkes óz usynystaryn engizdi.
Joǵarǵy Sot Tóraǵasy Memleket basshysynyń Qazaqstan halqyna arnaǵan Joldaýynyń erejelerimen jáne Ult Jospary sheńberinde sot júıesin reformalaý barysymen de tanystyrdy. Osy rette, bitimgershilik rásimder men medıatsııany damytý, Koreı men Sıngapýrdyń tájirıbesin eskere otyryp, jańa aqparattyq-kommýnıkatsııalyq tehnologııalardy paıdalanýdy keńeıtýge aıryqsha mán berdi. Іssapar baǵdarlamasynda elektrondy sot tóreliginiń barlyq erekshelikterimen egjeı-tegjeıli tanysý úshin Astana qalalyq sotyna barý josparlanǵanyna nazar aýdaryldy.
Q.Mámı sheteldik meımandar bıylǵy 17-18 naýryzda Aqbulaqta ótetin halyqaralyq konferentsııa sheńberinde qylmystyq sot isin júrgizýdi damytý máselelerindegi jetistiktermen tanysý múmkindigi bolatyndyǵyn atap ótti.
Kezdesý sońynda taraptar eki el sottary arasyndaǵy seriktestik qarym-qatynasty odan ári nyǵaıtý qajettigin atap ótti.