Mamandyǵymen jumys istegisi kelmeıtin jastarǵa qandaı múmkindikter bar

<p>ASTANA. KAZINFORM &ndash; Elordada jumys izdep júrgen jastarǵa arnalǵan birneshe joba iske asyp jatyr. Tolyǵyraq Astana qalasy ákimdiginiń &laquo;Eńbek mobıldiligi ortalyǵy&raquo; dırektory Oljas Omar aıtyp berdi. &nbsp;</p>

«Oqý ornyn bitirgen, biraq eńbek ótili joq jas mamandarǵa «Alǵashqy jumys orny» jobasy bar. Kepildendirilgen jalaqy – 30 AEK (110 760 teńge). Olar 1,5 jyl boıy tájirıbe jınap, odan ári turaqty jumysqa ornalasýǵa múmkindik alady», - dedi Oljas Omar Astana qalasynyń kommýnıkatsııalar qyzmeti alańynda ótken baspasóz máslıhatynda.

Odan bólek, spıker «Jastar tájirıbesi» jobasymen tanystyrdy. Ol kolledjder men joǵary oqý oryndarynyń túlekterine mamandyǵy boıynsha bastapqy jumys tájirıbe jınaýǵa arnalǵan.

«Aıtalyq, jas mamannyń dıplomy bar, biraq mamandyǵy boıynsha jumys istegisi kelmeıdi nemese basqa sala boıynsha eńbek ótili bar. Olar jastar praktıkasynan óte alady. Praktıkanyń ýaqyty 1 jyl jáne 110 760 teńge (30 AEK) memlekettik jalaqy tólenedi», - deıdi ol.