Mamandar egilgen ormandy ınteraktıvti karta arqyly baqylamaq

NUR-SULTAN. QazAqparat – Ekologııa, geologııa jáne tabıǵı resýrstar mınıstrligi egilgen ormannyń ınteraktıvti kartasyn iske qospaqshy, dep habarlaıdy QazAqparat.

Bul týraly vıtse-mınıstr Álııa Shalabekova ortalyq kommýnıkatsııalar qyzmetinde ótken brıfıngide aıtty.

«Qazirgi ýaqytta egilgen ormanǵa monıtorıng jasap, baqylaý júrgizetin ınteraktıvti karta qurý máselesi pysyqtalýda. Qazirdiń ózinde «Ǵarysh sapary» ulttyq kompanııasynda orman ekpelerin, zańsyz aǵash kesý faktilerin jáne orman qorynyń qurylymyn monıtorıngileıtin platforma jumys istep tur. Ol júıe orman sharýashylyǵy qyzmetkerlerine qoljetimdi. 1 qyrkúıekten bastap osy júıe negizinde orman alqaptarynyń tsıfrlyq kartasyn túzip, sonyń negizinde orman ekpeleriniń ýchaskeleri, alańdary men tuqymdyq quramy kórsetiletin ınteraktıvti kartany engiziledi. Bul kartany orman mekemeleriniń qoldanystaǵy jelisimen baılanystyramyz», - dedi mınıstrdiń orynbasary.

Vedomsto ókiliniń aıtýynsha, atalmysh ınteraktıvti kartany qarapaıym turǵyndar da mobıldi qurylǵylar arqyly táýlik boıy paıdalana alady.