Mamandar «Álippe» jańa oqý baǵdarlamasyna qatysty túsinik berdi
«Álippe» jańa oqý baǵdarlamasy Ahmet Baıtursynulynyń ustanymdary negizinde jasaldy. Sol ustanymdardyń biri – dybyspen jattyǵý. ıAǵnı, dybyspen jattyǵý «Álippege deıingi» kezeń mindetterin qoıý men bilim mazmunyn anyqtaýda tikeleı basshylyqqa alyndy. Ahmet Baıtursynuly balalarǵa aldymen árip kórsetpeı turyp, dybyspen jattyqtyrý qajet deıdi. Sebebi oqýǵa kelgen balalar sóıleýdi bilgenimen, olar óz sózderiniń dybystan turatyndyǵyn bilmeıdi. Osy oraıda dybysty bilmeı turyp, sózdiń ishindegi dybystardy tizbeı turyp, oqý men jazýǵa úıretý qıyn. Sondyqtan dybyspen jattyqtyrý qajettigi eskerilip otyr», - dedi A. Jumabaeva Ortalyq kommýnıkatsııalar qyzmetinde.
Onyń aıtýynsha, Ahmet Baıtursynulynyń tájirıbe arqyly ózindik bilim alý ustanymy basshylyqqa alyndy.
«Bul turǵyda oqýshyǵa materıaldy shaǵyndap berý, betin maqsatqa qaraı túzep otyrý degen negizgi qorytyndy qaǵıdasy bar. Osy prıntsıpterdiń barlyǵy jańa «Álippe» oqý baǵdarlamasynyń qurlymdyq, mazmundyq bolmysyn anyqtaýda, odan keıin olardyń árbir kezeń boıynsha maqsat-mindetterin qoıýda, bilim mazmunyn aıqyndaýda basshylyqqa alyndy», - dedi kafedra meńgerýshisi.
Óz kezeginde M.Áýezov atyndaǵy Ádebıet jáne óner ınstıtýtynyń dırektory Kenjehan Matyjanov «Álippe» uǵymy qazaq halqynyń túsinigi men dúnıetanymynda qasterli pán retinde qalyptasyp qalǵanyn atap ótti.
«Eger árbir azamat alǵashqy muǵalimin qanshalyqty qadirleıtin bolsa, qazaq azamaty «Álippeni» de sondaı qadir tutatyn bolǵan. Sondyqtan «Álippe» kún tártibinen túsip qalǵan kezde búkil halyq bolyp osy oqýlyqty izdedi. Al endi «Álippeni» qaıtarý - qazaqtyń rýhanı álemindegi jańa oqıǵa sııaqty kórinip otyr... Osynyń barlyǵynyń qazirgi kezeńge qaıtyp kelýi – ulttyq rýhymyzdy kóterýge erekshe áser etedi. Alǵash oqýlyqty «a» árpinen bastaǵannan balanyń júreginde ulttyq rýh qalyptasatyn bolsa, ol azamat erteń óz eliniń úlken patrıoty bolatyny aıdan anyq. Sondyqtan áripterdiń, dybystardyń rettiliginiń bári Ahmet Baıtursynuly anyqtaǵan ustanymdarmen sáıkes kelýi – bul jańa «Álippeniń» úlken ulttyq rýhtaǵy jańalyǵy dep aıtýǵa bolady», - dedi K. Matyjanov.
Budan buryn habarlanǵandaı, «Álippeni» engizý 2021-2022 jylǵa josparlanǵan.
Bıyl tamyz aıynda QR Bilim jáne ǵylym mınıstri Ashat Aımaǵambetov ózgeristiń aıasynda mektep baǵdarlamasyna sáıkes, 1-synyptarǵa 1-2 toqsan «Álippe», 3-4 toqsan «Ana tili» engiziletinin aıtqan edi.