Mamandandyrylǵan bilim berý uıymdaryna qabyldaý konkýrsy 71 mektepte iske asady

NUR-SULTAN. QazAqparat - «Daryn» respýblıkalyq ǵylymı-praktıkalyq ortalyǵynyń dırektory Tımýr Nurkeshov mamandandyrylǵan bilim berý uıymdaryna qabyldaý konkýrsy týraly túsindirdi, dep habarlaıdy QazAqparat tilshisi.

«2022-2023 oqý jylyna mamandandyrylǵan bilim berý uıymdaryna qabyldaý konkýrsy daryndy balalarǵa arnalǵan 71 mektepte iske asady. Úmitkerlerdiń qujattaryn qabyldaý aǵymdaǵy jyldyń 1 naýryzy men 1 sáýiri aralyǵynda www.qabyldau.daryn.kz portaly arqyly júrgiziledi. Konkýrs «Daryn» ortalyǵy belgilegen merzimde bekitilgen kestege sáıkes 15 – 30 sáýir aralyǵynda ótedi. Mamandandyrylǵan bilim beretin uıymdary 5, 6, 7 synyptyń oqýshylaryn qabyldaıdy», - dedi T. Nurkeshev Ortalyq kommýnıkatsııalar qyzmetinde.

Besinshi synyp oqýshylary 40 suraqqa jaýap beredi:

-matematıka jáne logıka – 30 suraq,

-oqý saýattylyǵy – 10 suraq.

Testileýge bólingen ýaqyt – 60 mınýt.

Altynshy synyp oqýshylary 60 suraqqa jaýap beredi.

- matematıka jáne logıka – 35 suraq;

- oqý saýattylyǵy – 15 suraq;

- Qazaqstan tarıhy – 10 suraq.

Testileýge bólingen ýaqyt – 90 mınýt.

Jetinshi synypqa túsetinder 75 suraqqa jaýap beredi:

- matematıka jáne logıka – 55 suraq;

- oqý saýattylyǵy – 10 suraq;

- Qazaqstan tarıhy – 10 suraq.

Testileýge bólingen ýaqyt – 120 mınýt.

Budan bólek ol «Myń bala» olımpıadasy boıynsha aýyl mektepteriniń oqýshylaryna bólingen kvota sany 10%-dy quraıtynyn aıtty.

«Mamandandyrylǵan mektepte bilim alatyn bastaýysh synyp oqýshysy orta mektepke emtıhansyz ótedi. Іrikteý konkýrsy elektrondy formatta ótkiziledi. Oqýshylardy mamandandyrylǵan mektepterge qabyldaýdyń ashyqtyǵyn, ádildigin qadaǵalaý úshin elektrondy platformanyń kómegimen proktorıng júıesi qoldanylady. Ǵımaratta, aýdıtorııalarda jáne konkýrstyq irikteý ótkiziletin oryndarda beınebaqylaý jáne aýdıo jazba júıelerin qamtamasyz etemiz», - dedi Tımýr Nurkeshov.