Maman almatylyqtardy óz betinshe kenege qarsy óńdeý jumystaryn júrgizbeýge shaqyrdy

ALMATY. QazAqparat - Óńirlik kommýnıkatsııalar qyzmetinde ótken baspasóz máslıhaty barysynda QR Densaýlyq saqtaý mınıstrligi sanıtarlyq-epıdemıologııalyq baqylaý komıtetiniń «Ulttyq saraptama ortalyǵy» fılıalynyń dırektory Berik Baımurzınov almatylyqtarǵa óz erkimen ýchaskelerdi keneden tazartý jumysyn júrgizýge bolmaıtynyn aıtty, dep habarlaıdy QazAqparat tilshisi.

Spıkerdin sózinshe, preparat qaýipsiz bolsa da, turǵyndardyń óz aýmaqtarynda dezınfektsııa júrgizýine bolmaıdy. Densaýlyq saqtaý sharalaryn tolyq ustanbasa, qaýip tónýi múmkin.

«Preparat qaýipsiz bolsa da, barlyq nusqaýlyqtarǵa saqtaý kerek. Kenege qarsy tazalaý jumystaryn mamandar barlyq dezınfektsııa sharalaryn saqtaı otyryp jáne tek ruqsat etilgen, sertıfıkattalǵan preparattarmen júrgizedi. Senimdi jáne sertıfıkattanǵan mamandardy shaqyrýǵa keńes beremiz», - dedi Berik Baımurzınov.

Ortalyq basshysynyń aıtýynsha, tazartý jumystary eki kezeńde «favorıt VKE» qaýipsiz ınsekto-akarıtsıdtik preparatyn qoldana otyryp júrgiziledi.

«Kenege qarsy dezınsektsııalyq óńdeý negizinen kene entsefalıtiniń tabıǵı oshaqtarynda júrgiziledi. Bul Alma - Arasan shatqaly, Medeý tabıǵı parki, Kóktóbe saıabaǵy, Býtakov shatqaly, Qaraǵaıly shatqaly, Naýryzbaı aýdanyndaǵy taýly jerler», - dep qorytyndylady spıker.