Maly joq jáne qaıtys bolǵandardyń atynda jaıylym jerler tirkelgen
Jıyndy oblys prokýrory Nurǵalym Əbdirov ashyp, búgingi tańda paıdalanylmaı otyrǵan aýyl sharýashylyǵy maqsatyndaǵy egistik jerler men jaıylymdardy memleket qoryna qaıtarý baǵytynda atqarylyp jatqan jumystarǵa qysqasha toqtaldy.
Jalpy óńirdegi paıdalanylmaı jatqan jaıylymdyq jerlerdi anyqtaý, revızııa júrgizý, memleket qoryna qaıtarý boıynsha jumystar barysy týraly oblys prokýrorynyń orynbasary Nurbek Ulasbekuly baıandady. Onyń aıtýynsha, oblystaǵy jer qorynyń 32 paıyzy aýyl sharýashylyǵy maqsatyndaǵy jerler. Al jaıylymdyq jerdiń kólemi 34 mıllıon gektardan astam.
Məselen, prokýratýra tarapynan júrgizilgen tekseris barysynda Baızaq aýdanyndaǵy «Tursynbaı» sharýa qojalyǵy 15 gektar jaıylymdyq jerdi paıdalanylmaı otyrǵany belgili bolǵan. Sol sııaqty jaıylymdyq jerge qatysty zań buzýshylyqtarǵa Shý aýdanynda da jol berilgen. Budan bólek, oblys boıynsha 673 myń gektar jaıylym 157 lotıfýndısterdiń paıdalanýynda. Bul anyqtalǵan jerler negizinen Qordaı, Shý, Moıynqum jəne Talas aýdandarynda ornalasqan.
Revızııa barysynda keıbir aýyl ákimderi birde-bir maly joq adamdarǵa jaıylymdardy maqsatsyz úlestirgeni anyqtalǵan. Sonymen qatar, jer ıesi qaıtys bolyp ketken azamattardyń jaıylymdyq jerleri de qaıta rəsimdelmegen bolyp shyqty. Baıandamashy sóziniń sońynda paıdalanylmaı jatqan aýyl sharýashylyǵy men jaıylymdyq jerlerdi memleket qoryna qaıtarýdy jolǵa qoıý úshin oblys ákimdigi janynan arnaıy jumys tobyn qurý usynysyn aıtty.
«Baıandamańyzda oblysta paıdalanylmaı jatqan úsh myńnan astam jaıylymdyq jer anyqtalǵanyn aıtyp qaldyńyz. Qazirgi tańda onyń qanshasy memleket qoryna qaıtaryldy? Biz ol ıgerýsiz jatqan jerlerdi qaıtaryp qana qoımaı, qaıta aınalymǵa qosýymyz kerek, osyny naqtylaı ketseńiz», - dedi oblys əkimi Berdibek Saparbaev. Prokýrordyń orynbasary Nurbek Ulasbekuly, búgingi tańda 263 gektardyń qaıtarylǵanyn, qalǵan jerler boıynsha zań aıasynda qaıtarý sharalary qolǵa alynǵanyn aıtty.
«Máselen, Talas aýdanynda 2013 jyly dúnıeden ótip ketken turǵynnyń atynda 234 gektar jaıylym jer tirkelgen. Biraq ol jer əli kúnge deıin eshkimniń atyna rásimdelmegen. Ony bireý paıdalanyp keledi ǵoı. Ol jer nege memleket qoryna qaıtarylmaǵan. Sondaı-aq «Shəýshenova» sharýa qojalyǵynyń enshisinde 6600 gektar jaıylymdyq jer bar, al qojalyqtyń ıeliginde birde-bir mal joq. Osyndaı mysaldar kóp. Buǵan kim jaýap beredi?» - dep oblys basshysy Talas, Shý men Qordaı aýdandarynyń birneshe aýyldyq okrýg ákimderinen onlaın rejımde málimet surady.
Ókinishke oraı aýyl ákimderi óz okrýgine jaýapty eldi mekendegi sharýa qojalyqtardyń maly bar-joǵyn bilmeıtin bolyp shyqty. Eshqaısysy naqty jaýap bere almady.
«Biz revızııany bekerden beker júrgizilip otyrǵan joqpyz. Bul – Memleket basshysynyń tapsyrmasy. Eń negizgisi biz barlyq jerdi naqtylaýǵa tıispiz. Aýyl manyndaǵy jaıylymdy keńeıtip, halyqtyń mal ustaýyna, mal basyn kóbeıtýine jaǵdaı jasaýǵa mindettimiz. Sondyqtan aýdan əkimderi men aýyl əkimderi jumys isteý kerek. Jumys tobynyń qyzmetin jandandyryp, tez arada paıdalanylmaı jatqan jerlerdi memleket qoryna qaıtarý qajet», - deı kelip Berdibek Saparbaev aýdan ákimderi men tıisti basqarma basshylaryna oblystyq jáne aýdandyq prokýratýra ókilderimen birlese jumys isteýdi tapsyrdy.