Málik Myrzalın Astana mańyndaǵy eldimekenderdi qalaı damytatynyn aıtty

KÓKShETAÝ. QazAqparat - Aqmola oblystyq máslıhat depýtattarymen ótken eseptik kezdesýde aımaq basshysy Málik Myrzalın Kókshetaý jəne Astana mańyndaǵy eldimekenderdi damytý týraly josparymen bólisti, dep habarlaıdy QazAqparat tilshisi.

«Negizgi jumys oblys ortalyǵyn qalpyna keltirý jəne ınfraqurylym qurylysy boıynsha júrgizilýde. Ústimizdegi jyly Kókshetaýda jol aıryǵynyń qurylysy bastaldy. Bul qala kóshelerindegi júktemeni azaıtady. Búgingi tańda 73 turǵyn úı aýlasynda jóndeý jumystary júrgizilýde. Buǵan qosa, 28 oıyn alańy ornatyldy, 15 sport alańyn salý josparda bar», - dep atap ótti M.Myrzalın.

Sonymen qatar, aımaq basshysy oblys ortalyǵyndaǵy Sh.Ýálıhanov atyndaǵy Kókshetaý memlekettik ýnıversıtetiniń mańynda jańa alleıa jáne Stantsıonnyı kentinde skver salynatynyn atap ótti. Turǵyn úı sektory da damý ústinde. «Saryarqa», «ıÝbıleınyı» shaǵyn aýdandary jáne qalanyń ortalyǵy abattandyrylyp jatyr. 

Astana qalasynyń mańyndaǵy eldimekenderdi damytý máselesine erekshe kóńil bólinip otyr. Bıyl 28 eldimekendi damytý úshin bólingen qarjynyń kólemi 1,7 esege artty.

«Elordanyń irgesinde eldimekender kezeń kezeńimen ortalyqtandyrylǵan sýmen qamtamasyz etilýde jáne elektrmen jabdyqtaýdyń jańa jelileri salynyp jatyr. Sondaı-aq, úı aýlalary men kósheleri jóndelýde», - dep tolyqtyrdy aımaq basshysy.