Malıdegi shabýyldan BUU mıssııasynyń úsh ókili zardap shekti

BAMAKO. QazAqparat – Malıde BUU turaqtandyrý boıynsha kópsalaly keshendik mıssııasynyń (MINUSMA) konvoıyna belgisiz bireýler shabýyl jasady. Oqıǵa saldarynan úsh bitimger zardap shekti, dep habarlaıdy QazAqparat TASS-qa silteme jasap.

«Ber qalasynan shyqqan konvoıǵa eki ret shabýyl jasady. Zardap shekken úsh bitimger medıtsınalyq kómek kórsetý úshin Tımbýktý qalasyna evakýatsııalandy», - delingen mıssııanyń 13 tamyzda X (buǵan deıin Twitter) áleýmettik jelisinde jarııalanǵan habarlamasynda.

Buǵan deıin MINUSMA qaýipsizdikke baılanysty jaǵdaıdyń nasharlaýy saldarynan bitimgerlerdi jyldam alyp shyǵý týraly habarlaǵan bolatyn. Malı úkimeti 16 maýsymda BUU Qaýipsizdik Keńesine MINUSMA kúshin elden jyldam shyǵarý týraly ótinish jasaǵan bolatyn. Malı syrtqy ister jáne halyqaralyq yntymaqtastyq mınıstri Abdýlaıe Dıop BUU bitimgerleri eldegi qaýipsizdik qamtamasyz etýge qaýqary jetpeıtinin málimdegen bolatyn. BUU Qaýipsizdik Keńesi 30 maýsymda MINUSMA mandatynyń áreketin toqtatý týraly úkim shyǵardy.

BUU buıryǵyna áıkes, bitimgerlik kontıngenti elden 31 jeltoqsanǵa deıin shyǵýy tıis.