«Maldyń baǵasy, durys pa, aǵasy?..» - respýblıkalyq basylymdarǵa sholý

ASTANA. 20 naýryz. QazAqparat - Qazaq aqparat agenttigi respýblıkalyq basylymdarda 20 naýryz, seısenbi kúni shyqqan ózekti materıaldarǵa sholýdy usynady.

***

Máskeý qalasynda ótken Ha­lyqaralyq zańgerler odaǵy­nyń úılestirý keńesi otyrysynda bir­qatar qujattar bekitildi. Naq­ty aıtqanda, 2012 jylǵa arnal­ǵan negizgi is-sharalardyń jospary talqylandy. Sonymen qatar, osy uıymnyń músheligine qabyl­daý rásimi ótti. Soǵan oraı elimiz­diń Joǵarǵy Sotynyń Tóraǵa­sy Bektas Beknazarov Halyqaralyq zańgerler odaǵy tóraǵasy­nyń orynbasary ári odaqtyń úılestirý keńesiniń múshesi bolyp saılandy. Úılestirý ke­ńe­sinde sóz alǵan Bektas Beknazarov «Halyqaralyq zańgerler odaǵy» qoǵamdyq uıymynyń 20 jyldan asa qyzmeti kezinde TMD jáne álemniń basqa da elderiniń zańgerleri yntymaqtastyǵyn damytý boıynsha maqsatty jumys­tar júrgizilgendigin atap kórsetti. Bul máseleni «Egemen Qazaqstan» basylymynyń búgingi sanyndaǵy «Ekonomıkalyq odaq tiregi» atty maqaladan oqı alasyzdar.

 Osy basylymnyń jazýynsha, Astanada Qazaqstan Syrtqy ister mınıstri Erjan Qazy­hanov AQSh qorǵanys mınıstriniń kómekshileri Endrıý Veber men Madelın Krıdondy, Japonııanyń elshisi ıÝdzo Harada men Vetnamnyń elshisi Vý The Hıepti qabyldaı otyryp, birqatar ekijaqty kezdesýler ótkizdi. Erjan Qazyhanov Endrıý Vebermen jáne Madelın Krıdonmen kez­desýinde Qazaqstannyń AQSh-pen jemisti yntymaqtas­tyqty bekitýdi jalǵastyrýda eken­digin atap ótti. QR - AQSh Strategııalyq seriktestigi jónin­degi komıssııa qurylyp, sonyń aıasynda energetıka, saýda jáne ınvestıtsııalar jónindegi strate­gııalyq únqatysýlar damýda. Elimizdiń mınıstri Vashıngtonda 2010 jyldyń sáýir aıynda prezıdentter Nursultan Nazarbaev pen Barak Obamanyń kezdesýle­riniń qorytyndysy bo­ıynsha ýaǵ­da­las­tyqtardy júzege asyrý, so­nyń ishin­de jappaı qy­ryp-joıý qa­rý-jaraqtaryn taratpaý salasynda úlken jumys atqarylǵanyn basa aıtty. Kezdesýler barysynda kóterilgen osy jáne ózge de máselelerdi «Egemen Qazaqstan» basylymynyń búgingi sanyndaǵy «Ekijaqty kezdesýler» atty maqalada.

***

 «Osynyń aldynda aýsyl shyqqan aýyl­dardyń malsyz qalǵanyn jazǵan edik. Kúni keshe Jambyl aýdandyq prokýratýrasynan aýdanda ótken jylǵy atqarylǵan veterınarlyq sharalarǵa jáne aýsyldan sońǵy jumystarǵa qatysty tekserý júrgizilgeni jaıly habarlama keldi. Onda aıtylǵandaı, aýdandyq veterınarlyq ınspektsııaǵa byltyr qaýipsizdik sharalaryn qamtamasyz etý úshin 134, 5 mıllıon teńge bólinipti»,-dep jazady «Aıqyn» basylymy. Jyl barysynda osy qarjyǵa aýdan boıynsha 163 myń múıizdi iri qaraǵa jáne jarty mıllıon usaq malǵa egý jumystary júrgizilipti. Degenmen atqa­rylǵan jumystarǵa qaramastan, aqpan aıynyń sońyna taman aýdannyń Úńgirtas, Aqterek, Qaraqastek, Degeres aýyl­dyq okrýgterinde sıyr men qoı-esh­ki arasynda aýsyl tabylady. Atalmysh jaǵdaıdyń ári qaraı qalaı órbigenin «Aıqyn» basylymy búgingi sanyndaǵy «Maldyń baǵasy, durys pa, aǵasy?..» atty maqaladan bilýge bolady.

 Sondaı-aq «Aıqyn» búgingi sanynda «Alıment tóleý - qaryz emes, paryz» atty maqala basyp, problema kóteripti. Basylymnyń jazýynsha, elimizde alımentten jaltaryp, baýyr eti balasynan bas tartqan bóriktilerdi quryqtaý hám jaýapqa tartýdyń san túrli ádisi oılastyrylýda. Jalpy, 2011 jyly jalǵyz Almaty qalasynda «qashqyn» ákeler balasyna 124 mıllıon teńge bereshek bopty.

Al elimiz boıynsha 100 myńnan asa bala alımentsiz kún kórýde. Otbasynyń oıranyn shyǵaryp, balasynan bas tartqan er-azamattardyń sany kún saıyn artyp keledi. Máselen, Aq­tóbede

5 myńdaı azamat áıelimen ajyrassa, onyń tórt myńy balasyna alıment tóleýden qashyp júr. Aqpan aıynda aqtóbelik sot oryndaýshylary zańda bekitilgen somany emes, baýyr eti balasyna kıim-keshek, mektepke qajetti qu­raldar, azyq-túlikpen kómek kórsetýge de bolatynyn barynsha túsindirse, din ókilderi balaǵa kómektesý qaryz emes, paryz ekenin túsindirip álek.

***

Májilis depýtattary «Nur Otan» halyqtyq demokratııalyq partııasynyń Májilistegi fraktsııasynyń ókili Shalataı Myrzahmetovtiń usynysymen bir kúndik jalqylaryn Ońtústik Qazaqstan oblysynda sý tasqynynan zardap shekkenderge bermekshi.

Keshe ǵana Májilis tóraǵasynyń orynbasary Sergeı Dıachenkonyń tóraǵalyǵymen qurylys jáne turǵyn úı-kommýnaldyq sharýashylyq máselelerine arnalǵan «úkimet saǵaty» osylaı aıaqtaldy.

Otyrys barysynda Qurylys turǵyn úı jáne kommýnaldyq sharýashylyq agenttigiń tóraǵasy Serik Nokın baıandama jasady. Onyń málimetterinshe, búginde Ońtústik Qazaqstan oblysynda tabıǵat apaty saldarynan 3 aýdan men 30 aýyl zardap shekken. Otyrysta kóterilgen osy jáne ózge de máseleler «Kazahstanskaıa pravda» basylymynyń búgingi sanyndaǵy «Pod krysheı doma... Svoego!» atty maqalada.