Maldıv araldary Izraıl azamattaryna elge kirýge tyıym saldy

<p>ASTANA. KAZINFORM &ndash; Maldıv araldary Gaza sektoryndaǵy qaqtyǵysqa baılanysty Izraıl azamattaryna el aýmaǵyna kirýge tyıym salady. Bul týraly jergilikti bılikke silteme jasap, <a href="https://24.kz/kz/zha-aly-tar/lemde/item/665289-maldiv-araldary-izrail-azamattaryna-elge-kiruge-tyjym-salady" target="_blank" rel="noopener">24.kz</a> habarlady.&nbsp;</p>

Prezıdent keńesi Mınıstrler kabınetiniń usynysymen osyndaı sheshim qabyldaǵan. Úkimet qoldanystaǵy zańǵa túzetý engizip, ony qadaǵalaý úshin Mınıstrler kabınetiniń kishi komıtetin qurady. Izraıl Syrtqy ister mınıstrligi tyıym salý týraly habardan keıin aralǵa barýdan bas tartyp, onda júrgen azamattarǵa elge qaıtýǵa keńes berdi. 

«Óıtkeni olar belgisiz sebeppen qıyndyqqa tap bolsa, kómektesý múmkin bolmaıdy», delingen habarlamada.

Eske sala keteıik, buǵan deıin Katar, Mysyr jáne AQSh bıligi Izraıl men palestınalyq HAMAS-ty Gaza sektoryndaǵy atysty toqtatý jáne ótken jyldyń 7 qazanyndaǵy shabýyl kezinde tutqynǵa alynǵan ızraıldikterdi bosatý týraly kelissózderdi qaıta bastaýǵa shaqyrǵanyn jazǵan bolatynbyz.