Malaızııada Dımash Qudaıbergenniń «Stranger» atty jeke kontserti ótedi
00:03, 14 Mamyr 2023
ASTANA. QazAqparat – Qazaqstandyq tanymal ánshi Dımash Qudaıbergenniń «Stranger» shoýy álemdi sharlap júr. 24 maýsymda Kýala-Lýmpýrde ánshiniń jeke kontserti ótedi, dep habarlaıdy QazAqparat Dimashnews.com.saıtyna silteme jasap.
Shoý áıgili Axiata Arena Bukit Jalil staıonynda saǵat 20:30-da bastalady.
Aıta keteıik, Dımash Qudaıbergenniń «Stranger» shoýy 6-shy mamyr kúni Túrkııada Antalya Expo Kongre Merkezi-de ótken bolatyn. Shoýǵa álemniń 44 elinen kórermender keldi. Túrkııalyqtar onda Dımashqa óz eliniń ulttyq aspabyn syıǵa tartty.