Malaızııada Abaı atyndaǵy Qazaq ádebıeti men mádenıeti ortalyǵy ashyldy
QR Syrtqy ister mınıstrliginen málim etkendeı, Abaı ortalyǵyn ashýdaǵy maqsat – sheteldik aýdıtorııany Qazaqstannyń baı ádebı, tarıhı jáne mádenı murasymen tanystyrý.
Іs-shara aıasynda sondaı-aq, Malaızııadaǵy Qazaqstan Respýblıkasy Elshiliginiń kúshimen alǵash ret malaı tiline aýdarylǵan Abaıdyń «Qara sózder» kitabiniń tusaýy kesildi.
Ortalyqqa qazaq ádebıetiniń ózge de kitaptary men shyǵarmalary jáne ulttyq mýzykalyq aspap – dombyra syıǵa tartyldy.
Abaı atyndaǵy Qazaq ádebıeti men mádenıeti ortalyǵynyń ashylý rásiminde Malaızııa Ulttyq kitaphanasynyń bas dırektory M.Ismaıl jáne QR Elshisi B.Imanbaev ortalyqtyń biregeıligin jáne onyń ekijaqty yntymaqtastyqty nyǵaıtý, halyqtardy jaqyndatý jáne Qazaqstan men Malaızııa arasyndaǵy mádenı almasý baǵytyndaǵy mańyzdylyǵyn atap ótti.
Ortalyqtyń ashylý rásimi aıasynda, taraptar eldegi shekteý sharalary aıaqtalǵannan keıin, Abaı ortalyǵy bazasynda turaqty túrde túrli birlesken kórmeler men mádenı is-sharalar ótkizýge qol jetkizdi.