Malaızııa vaktsınalanǵan turǵyndar úshin karantın shekteýlerin alyp jatyr

NUR-SULTAN. QazAqparat – Japonııada koronavırýsqa shaldyǵý kórsetkishiniń antırekordy jalǵasýda. Qazaqstanda Covid-19 taralýyna jol bermeý jónindegi vedomstvoaralyq komıssııa álemdegi jaǵdaıǵa qatysty aqparat usyndy, dep habarlaıdy QazAqparat.

Izraılde kóshede adamdar kóp shoǵyrlanǵan kezde betperde kııý qaıtadan mindetti boldy. Sonymen qatar 20 tamyzdan bastap mekemelerge kirýge jáne qatysýshylar sanyna qaramastan is-sharalarǵa tek vaktsınalanǵan, aýyryp jazylǵan nemese koronavırýsqa teris test nátıjesi bar adamdarǵa qatysýǵa ruqsat etiledi.

Malaızııa Premer-mınıstri vaktsınalanǵan turǵyndarǵa shekteýler ishinara alynyp tastalatynyn jarııalady. 10 tamyzdan bastap pandemııaǵa baılanysty qolaıly jaǵdaı qalyptasqan shtattar men qalalarda ishki týrızmge ruqsat etiledi, kafeler, meıramhanalar kelýshilerdi qabyldaı alady, sportpen shuǵyldanýǵa da ruqsat etiledi.

Japonııa tórtinshi kún qatarynan koronavırýsty juqtyrýdyń kúndelikti kórsetkishi boıynsha antırekordty jańartýda: elde ınfektsııanyń 15 753 jańa jaǵdaıy anyqtaldy. Sonymen qatar Iranda bir kúnde koronavırýspen aýyratyndardyń eń kóp sany anyqtaldy – 39 619 jaǵdaı.