Malaızııa Parlamenti palatasynyń spıkeri: Aldaǵy saılaý – halyqtyń erkin bildiretin mańyzdy qadam
«Men el taǵdyryn halyqtyń qolyna senip tapsyrǵany úshin Qazaqstan basshylyǵy men úkimetin quttyqtaǵym keledi. Aldaǵy saılaý - bul halyqtyń erkin bildirýge baǵyttalǵan mańyzdy qadam jáne qazirgi zamanǵy demokratııanyń tiregi bolyp sanalady», - degen pikirin bildirdi Malaızııa Parlamenti Ókilder palatasynyń Tóraǵasy Azhar Azızan Harýn.
Sondaı-aq ol Qazaqstan úkimeti qabyldaǵan ártúrli rásimdik jáne quqyqtyq jańashyldyqtardyń saılaýdyń anaǵurlym taza ótýine áserin tıgizetindigin, bul óz kezeginde Májilis pen máslıhattarda mańyzdy ári teń ókildikterdi qamtamasyz etetindigin atap ótti.
«Men Qazaqstan halqyna barlyq jaqsylyqtardy jáne beıbit daýys berýdi tileımin. Alǵa qaraı otyryp, Qazaqstan men Malaızııa arasyndaǵy berik qarym-qatynastyń, ásirese bizdiń parlamentterimizdiń arasyndaǵy tyǵyz baılanysyna asa qýanyshtymyn. 2021 jyl Qazaqstan halqyna sáttilik, beıbitshilik jáne órkendeý ákelsin dep tileımin», - dedi Malaızııa Parlamenti Ókilder palatasynyń tóraǵasy.