Mal jaıý erejesin buzǵan 500-den astam túrkistandyq aıyppul tóledi

NUR-SULTAN. QazAqparat – Túrkistan oblysy Maqtaaral aýdanynyń 500-den astam turǵyny mal jaıý qaǵıdalaryn buzǵany úshin jaýapkershilikke tartyldy, dep habarlaıdy QazAqparat Polisia.kz saıtyna silteme jasap.

Túrkistan oblysy Maqtaaral aýdandyq polıtsııa bóliminiń qyzmetkerleri QR ÁQBtK-niń erekshe bólimindegi tártipsizdikke «nóldik tózimdilik» qaǵıdatyn júzege asyrýǵa, qoǵamdyq tártipti nyǵaıtýǵa tikeleı áser etý maqsatynda Іshki ister mınıstrligi belgilegen zańdylyqtar boıynsha osy jyldyń 8 aıynda 1 727 quqyq buzýshylyqty anyqtady.

Máselen, Maqtaaral APB JPQB-niń ýchaskelik polıtsııa ınspektorlary úı janýaryn jaıý qaǵıdasyn buzǵan 504 adamdy anyqtap, olardyń ár qaısysyna 3 aılyq eseptik kórsetkish, ıaǵnı 9 189 teńgeden aıyppul saldy.

Sondaı-aq, QR ÁQBtK-niń 73-babymen (Otbasy-turmystyq qatynastar aıasyndaǵy quqyqqa qarsy áreketter) – 112, 132-babymen (Kámeletke tolmaǵandardyń túngi ýaqytta oıyn-saýyq mekemelerinde bolýyna jol berý) – 5, 423-babymen (On segiz jasqa tolmaǵan adamdarǵa temekini jáne temeki buıymdaryn satý jáne olardyń satýy) – 3, 200-babymen (Qazaqstan Respýblıkasy zańnamasynyń alkogol ónimin ótkizý jónindegi talaptaryn buzý) – 1, 204-babymen (Belgilenbegen oryndarda saýda jasaý) – 46 zań buzýshylyq anyqtaldy.

Foto: polisia.kz