Mal urlyǵy qaı óńirlerde órship tur
«Statıstıka kórsetip otyrǵandaı, jyl basynan bergi 9 aıdyń qorytyndysy boıynsha sotta 251 qylmystyq is qaralyp, 464 adam qylmystyq jaýapkershilike tartylǵan. 251 istiń ishinde taraptardyń tatýlasýymen 226 adam qylmystyq jaýapkershilikten bosatylǵan. 203 adam sottalyp, bir adam aqtalǵan. Sot úkimimen atalǵan isterde 70 adam bas bostandyǵynan aıyryldy», - dedi ol Parlament Senatynda ótken dóńgelek ústel barysynda.
Onyń aıtýynsha, mal urlyǵyna kóp jaǵdaıda jumyssyzdyq, aqshanyń jetispeýi men ıeleriniń maldy qaraýsyz qaldyrýy sebep bolyp jatady.
«Taldaý jumystary kórsetip otyrǵandaı, mal urlyǵy boıynsha qylmystyq isterdiń kóbi Túrkistan oblysyndaǵy sottarda (71 adam), Almaty oblysynda (57 adam), Qyzylorda oblysynda (91) Shyǵys Qazaqstan (49) oblystarynyń sottarynda tirkelgen. Mańǵystaý oblysynda mal urlyǵynyń eń tómengi kórsetkishi baıqalǵan (bar joǵy eki adamǵa qatysty bir qylmys). Shymkent qalasynda (5 adamǵa qatysty 2 is) jáne Aqmola oblysynda (6 adamǵa qatysty 3 is), Qaraǵandy oblysynda (12 adamǵa qatysty 4 is) da mal urlyǵy asa kóp emes», - dedi ol.
Eske sala ketsek, atalǵan dóńgelek ústelde QR Іshki ister mınıstriniń birinshi orynbasary Janat Súleımenov elimizde jalpy urlyq jaǵdaılary jáne barymtashylarmen kúres qalaı júrgizilip jatqanyn aıtyp bergen bolatyn.
Óz kezeginde Parlament Senaty Tóraǵasynyń orynbasary Bektas Beknazarov aýyl turǵyndary mal urlyǵy boıynsha memlekettik organdardyń qyzmetkerleri qaýqarsyz ekenin, al mal urlaýshylar erkindikte taırańdap júrgenin aıtyp shaǵymdanatynyn tilge tıek etken bolatyn.