Mal urlyǵy bolmas úshin tórt túlikke chıp taǵyp, esepke alý qajet – mınıstrlik

ASTANA. QazAqparat – Іshki ister mınıstrligi mal urlyǵynyń aldyn alý maqsatynda aýyl sharýashylyǵy janýarlaryn chıpteýdi usynady. Bul týraly ortalyq kommýnıkatsııalar qyzmetinde ótken brıfıngide ІІM Tergeý departamentiniń basqarma bastyǵy Ermek Shúlden aıtty, dep habarlaıdy QazAqparat tilshisi.

«Eń ótkir problemalardyń biri - esirtkiniń jańa túrlerin shyǵarý jáne olardy tikeleı baılanyssyz satý tásilderi arqyly jasyryn sıpat alǵan búrkemelengen esirtki qylmysymen kúres», - dedi Ermek Shúlden.

Onyń sózinshe, atalǵan máselelerdi sheshý úshin mınıstrlik myna bastamalardy usynyp otyr:

- mektepterde jáne joǵary oqý oryndarynda kámeletke tolmaǵandarǵa skrınıng qoldaný arqyly esirtki paıdalaný faktilerin erte anyqtaý júıesin engizý;

- jeke emhana, jedel járdem, aýrýhana, sondaı-aq salaýatty ómir salty men JITS ortalyqtaryn tarta otyryp, nashaqorlardyń shynaıy esebin shyǵarý;

- sot saraptamasy organdaryn materıaldyq-tehnıkalyq jaraqtandyrý;

- keden jáne shekara qyzmetteri organdaryn qazirgi zamanǵy ınspektsııalyq jabdyqpen jaraqtandyrý.

«Sonymen qatar, barlyq qylmystardyń 90%-yn quraıtyn urlyq pen mal urlyǵynyń jasalý sebepteri men sharttaryn joıý sharalary qabyldanady. Atap aıtqanda, aýyl sharýashylyǵy janýarlaryn chıpteý negizinde mal basyn esepke alýdy engizý, ıesiz malǵa arnalǵan qoralar jasaý, et ónimderin ótkizýge arnalǵan jasyryn saýda oryndaryn anyqtaý jáne jabý. Bulardan ózge, baılanys operatorlarynyń urlanǵan mobıldi qurylǵylardy buǵattaý, urlanǵan zattardy, ásirese lombardtarda, komıssııalyq dúkenderde satý tártibin baqylaý. Munyń barlyǵy Tsıfrlandyrý, Aýyl sharýashylyǵy, Saýda mınıstrlikterimen, bıznes qaýymdastyqpen, uıaly baılanys operatorlarymen jáne ákimdiktermen ózara árekettesý barysynda júzege asyrylady», - dep túıindedi Ermek Shúlden.