Mal sharýashylyǵynda eksportty ulǵaıtýǵa basa nazar aýdarylady – Úkimet basshysy
«Úkimet mal sharýashylyǵy ónimderiniń jetkilikti bolýyna jáne eksportty ulǵaıtýǵa basa nazar aýdaratyn bolady. Qaıta óńdeýshi iri kásiporyndardyń, sonyń ishinde eksport protsesine jergilikti óndirýshilerdiń qatysýyna múmkindik beretin sheteldik ınvestorlardyń qatysýymen qurylǵan kásiporyndardyń aınalasyndaǵy kooperatsııa erekshe basymdyqqa aınalýǵa tıis. Munyń tabysty úlgisi retinde Túrkistan oblysyndaǵy túıe sútin óńdeý zaýytyn aıtýǵa bolady. Investordyń shıkizatty tartymdy baǵamen satyp alýynyń arqasynda sútke suranys artyp, túıe sharýashylyǵy qarqyndy damı bastady. Bir túıeniń quny el boıynsha 2 esege ósti. Bul sala asa tartymdy bola bastady», - dedi Úkimet basshysy.
Osy oraıda A. Mamın mal sharýashylyǵynyń basqa salalarynda da osyndaı kooperatsııany damytý qajet ekenin atap ótti.
«Usaq mal basyn kóbeıtýge erekshe nazar aýdarý kerek. Syrtqy naryqtardaǵy qoı etine suranystyń joǵary ekenin jáne óndiristiń ózindik qunynyń arzandyǵyn eskersek, bul eksportty damytý úshin qolaıly jaǵdaıdy jasaıdy», - dep toqtaldy Premer-Mınıstr.
Sonymen qatar, ol otandyq qus sharýashylyǵyn odan ári keńeıtýdi jalǵastyrýdy tapsyrdy.
«Búginde astyq egetin 300 iri jáne ortasha sharýashylyq mal sharýashylyǵyna qyzyǵýshylyq bildirip otyr. Munyń ózi salany damytýǵa qosymsha serpin beredi. Jalpy, mal sharýashylyǵy salasy turaqty damyp keledi. Memleket barlyq qoldaý sharalaryn kórsetip jatyr», - dedi Asqar Mamın.
Budan buryn habarlanǵandaı, Úkimet basshysy Aýyl sharýashylyǵy mınıstrligine ákimdermen birge ár óńir boıynsha aýyl sharýashylyǵy salasynyń ereksheligin eskerip, agroónerkásip keshenin damytýdyń keshendi josparynyń jańa tujyrymdamasyn ázirlep engizýdi tapsyrdy.
https://kaz.inform.kz/news/prem-er-miinstr-agroonerkasipti-damytudyn-zhana-tuzhyrymdamasyn-azirleudi-tapsyrdy_a3654138