Mal sharýashylyǵy salasynyń damý qarqyny elimizdiń áleýetine saı emes - Qarashókeev

NUR-SULTAN. QazAqparat – Elimizde asyl tuqymdy mal basy artyp kele jatyr. Bul týraly búgin Úkimet otyrysynda QR Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Sońǵy jyldary mal sharýashylyǵynyń genetıkalyq áleýeti aıtarlyqtaı ulǵaıdy. Memlekettik qoldaý is-sharalaryn kúsheıtý esebinen asyl tuqymdy maldyń barlyq túrleri boıynsha úles salmaǵy artty. Mysaly, asyl tuqymdy ir qara maldyń úles salmaǵy iri qara maldyń jalpy basyna shaqqanda 7-den 13 paıyzǵa deıin ósti. Sondaı-aq, selektsııalyq jáne asyl tuqymdyq jumystarmen aınalysatyn fermerlik sharýashylyqtardyń sany 2021 jyly 6 myńnan 30 myńǵa deıin ulǵaıdy», - dedi mınıstr.

Degenmen, ol mal sharýashylyǵy salasynyń damý qarqyny elimizdiń qolda bar áleýetti múmkindikterine sáıkes kelmeıtindigin basa aıtty.

«Mal sharýashylyǵy ónimderiniń birqatary boıynsha ımportqa táýeldilik saqtalyp otyr. Atap aıtqanda, qus eti, et jáne sút ónimderi boıynsha tereń qaıta óńdeý tek óńirlik qana emes, sondaı-aq mal sharýashylyǵy ónimderin álemdik eksporttaýshylardyń arasynda bolýǵa múmkindik beredi», - dedi Erbol Qarashókeev.