Mal sharýashylyǵynyń ónimdiligin arttyrýdy sýbsıdııalaý qaǵıdalaryna ózgerister engizildi

<p>ASTANA. KAZINFORM - Qazaqstan Respýblıkasy Aýyl sharýashylyǵy mınıstriniń buıryǵymen Asyl tuqymdy mal sharýashylyǵyn damytýdy, mal sharýashylyǵynyń ónimdiligin jáne ónim sapasyn arttyrýdy sýbsıdııalaý qaǵıdalaryna ózgerister men tolyqtyrýlar engizildi.</p>

QR Aýyl sharýashylyǵy mınıstrigi baspasóz qyzmetiniń habarlaýynsha, Erejeler birqatar ózgeristerdi qarastyrady.

Atap aıtqanda, 2025 jylǵy 1 qańtardan bastap agroónerkásiptik keshen sýbektileri úshin agroónerkásiptik keshenniń jalpy ónimi (taýarlary nemese qyzmetteri) kóleminiń aqshalaı mánde ósýin/saqtalýyn qamtamasyz etýdi kózdeıtin qarsy mindettemelerdi engizý kózdeledi.

Sondaı-aq, jyl boıy qorada ustaý tehnologııasyn qoldanatyn jáne azyqtyq bazasy álsiz Atyraý, Mańǵystaý jáne Qyzylorda oblystary sııaqty, eldiń qurǵaqshylyq basym óńirlerinde ornalasqan sút-taýar fermalarynyń analyq basy úshin tótenshe jaǵdaı boıynsha normalardy alyp tastaýdy engizý kózdeledi. Sýbsıdııalaý jergilikti bıýdjetten qosymsha qarjy bólingen kezde júzege asyrylatyn bolady.

Sýbsıdııalaý protsesterin tsıfrlandyrý jáne ońtaılandyrý sheńberinde taýar óndirýshilerden qaǵaz túrinde talap etiletin qujattar alynyp tastaldy.

Bul erejeler 2024 jyldyń 1 shildesinen bastap kúshine enedi.