Mal sharýashylyǵyn sýbsıdııalaýdyń jańa erejesi kelesi jyly 1 qańtarda kúshine enedi

<p>Memleket basshysy fermerler qaýymdastyǵymen birlesip, agroónerkásiptik keshendi memlekettik qoldaý tásilderin qaıta qaraýdy tapsyrdy.&nbsp;Bul rette shaǵyn jáne orta sharýashylyqtarǵa sýbsıdııalardyń ashyqtyǵyn, qoljetimdiligin qamtamasyz etý, olardy alý rásimderin ońaılatý jáne avtomattandyrý, sýbsıdııa alýshylar úshin qarsy mindettemelerdi engizý, sondaı-aq sýbsıdııalaý júıesin memlekettiń ónerkásiptik saıasatymen ózara baılanystyrýdy qamtamasyz etý jóninde naqty mindetter qoıyldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.</p>

AShM málimetinshe, arnaıy jumys toby quryldy, onyń quramyna iri, orta jáne shaǵyn aýyl sharýashylyǵy taýaryn óndirýshiler, salalyq odaqtar men qaýymdastyqtardyń, Sybaılas jemqorlyqqa qarsy qyzmettiń, ortalyq memlekettik jáne jergilikti atqarýshy organdardyń, ǵylymı uıymdardyń ókilderi, sondaı-aq Parlament depýtattary kirdi. Jumys toby otyrystarynyń qorytyndysy boıynsha qoldanystaǵy sýbsıdııalaý júıesiniń negizgi kontýrlaryn saqtaı otyryp, qaǵıdalarǵa naqty ózgerister engizýdi kózdeıtin nusqa ázirlendi.

"Atap aıtqanda, mal sharýashylyǵynda asyl tuqymdy mal basyn satyp alý kezinde shoshqa sharýashylyǵyn qospaǵanda, barlyq qoldanystaǵy sýbsıdııalaý normatıvteri ózgerissiz qaldy. Munda shoshqanyń analyq basy úshin ótemaqy normatıvi burynǵy 140 myń teńgeniń ornyna 1 basqa 100 myń teńgege deıin tómendedi.

Selektsııalyq-asyldandyrý jumysy sheńberinde sýbsıdııalaý da is júzinde ózgerissiz qaldy. Jańa erejede selektsııalyq-asyldandyrý jumystary máselelerinde fermerlerge kóbirek derbestik beriletin bolady. Endi ol óz qalaýy boıynsha kóbeıýdiń 3 tásiliniń kez-kelgenin tańdaı alady: jasandy uryqtandyrý, erkin uryqtandyrý, mamandandyrylǵan jasandy uryqtandyrý qurylymdarynyń qyzmetterin paıdalaný. Sonymen qatar, 1 óndirýshige júkteme ǵylymı normalarǵa sáıkes keltirilgen, ıaǵnı fermer óziniń qarjylyq múmkindikterine baılanysty óndirýshilerdi burynǵydaı, 1:25 qatynasynda emes 1:20 jáne 1:30 araqatynasy arasynda satyp ala alady", - delingen AShM aqparatynda.

Joǵary sybaılas jemqorlyq táýekelderine baılanysty buqalar men qoshqarlardy jalǵa berýdi sýbsıdııalaý ǵana joıylady.

Sondaı-aq, ımporttalǵan iri qara maldyń analyq basyn satyp alý baǵyty alynyp tastaldy, ımporttalǵan analyq mal basyn satyp alýmen qaıtalanatyn jáne tuqymdyq shyǵý tegine sáıkes kelý boıynsha qaıtalanady.

Taýarǵa tán sýbsıdııalardy burynǵydaı jalpy sıpattaǵy transfertter esebinen qaldyrý usynyldy. Bul rette, kúrketaýyq eti men sýda júzetin qusty sýbsıdııalaý joıyldy, óıtkeni olar áleýmettik mańyzy bar azyq-túlik taýarlaryna jatpaıdy.

Jumyrtqa sharýashylyǵy boıynsha jumyrtqa úshin 3 teńge sýbsıdııa normatıvimen taǵamdyq jumyrtqa óndirisin sýbsıdııalaý alynyp tastaldy.

Sondaı-aq asyl tuqymdy maldy ımporttaý kezinde Ekinshi deńgeıdegi banktegi qarjy ınstıtýtynyń arnaıy shotyna sýbsıdııalar aýdarý jónindegi norma joıylady.

Buqashyqtar men qoılardy bordaqylaýǵa jáne et kombınattaryna tapsyrý boıynsha sýbsıdııalaý normatıvteri ózgerissiz qaldy. Bul rette, maldy óziniń bordaqylaý alańdaryna aýystyratyn sharýashylyqtar úshin oryn aýystyrý normasy joıylady.

Jemshópti sýbsıdııalaý boıynsha sýbsıdııalar normatıvteri men sýbsıdııalar alý krıterııleri TJ nemese aýa raıynyń qalyptan tys jaǵdaılary týyndaǵan kezde ǵylymı uıymdardyń usynymdary negizinde ákimdikterdiń qaýlysymen bekitiledi.

Qaǵıdalar Qazaqstan Respýblıkasy normatıvtik quqyqtyq aktileriniń etalondyq baqylaý bankiniń resmı saıtynda elektrondyq túrde ornalastyrylǵan: http://zan.gov.kz/client/#!/doc/186448/rus

Aıta keteıik, sýbsıdııalaý qaǵıdalaryndaǵy ózgerister 2024 jylǵy 1 qańtardan bastap kúshine enedi.