Mal sharýashylyǵyn damytýǵa nesıe alatyndar kóp

<p>ASTANA. KAZINFORM &ndash; Byltyr Memleket basshysynyń tapsyrmasyna sáıkes elimizde &laquo;Aýyl amanaty&raquo; baǵdarlamasy júzege asa bastaǵany belgili. Shaǵyn nesıeleý baǵdarlamasyna ótinish bildirgenderdiń úlesin saraptasaq, aýyl turǵyndary kóbine mal sharýashylyǵyn damytýǵa qyzyǵýshylyq tanytyp otyr.</p>

Bul týraly Ortalyq kommýnıkatsııalar qyzmetinde ótken dóńgelek ústel barysynda QR Aýyl sharýashylyǵy vıtse-mınıstri Erbol Tasjúrekov aıtty.

– Mal sharýashylyǵy salasyna berilgen mıkrokredıtter jalpy nesıeniń 79 paıyzyn quraıdy. Nesıeniń 4,1 paıyzy ósimdik sharýashylyǵyna, 16,9 paıyzy aýyl sharýashylyǵyna jatpaıtyn bıznes túrlerine baǵyttaldy. Qarajattyń negizgi bóligi Jambyl, Túrkistan, Aqtóbe jáne Almaty oblystaryna úlestirildi, – dedi Erbol Tasjúrekov.

Onyń sebebi de bar. Atalǵan oblystarda tabysy eń tómengi kúnkóris deńgeıinen tómen otbasylardyń eń kóp sany, sondaı-aq quramynda eńbekke qabiletti adamdar qatarynda jumyspen qamtylmaǵan otbasylar baıqalady.

Vıtse-mınıstrdiń aıtýynsha, baǵdarlama erejesine sáıkes, jyldyq 2,5% syıaqy mólsherlemesi boıynsha 5 jylǵa deıingi merzimge mıkrokredıt berý kózdelgen. Mal sharýashylyǵy salasyndaǵy jobalar úshin mıkrokredıt 7 jylǵa deıin beriledi. Mıkrokredıttiń eń joǵary somasy 2,5 myń AEK-ke teń.