Mal bordaqylaý alańyna sýbsıdııa alý talaby jeńildeıdi

NUR-SULTAN. QazAqparat – Qoldanystaǵy tártip boıynsha mal bordaqylaý alańyn qurýǵa ketken ınvestıtsııalyq shyǵynnyń bir bóligine sýbsıdııa alý úshin onda ustalatyn maldyń sany 5 myńnan kem bolmaýy kerek. QR Básekelestikti qorǵaý jáne damytý agenttigi osy talapty 500 basqa deıin túsirýdi usynyp otyr, dep habarlaıdy QazAqparat tilshisi.

Aýyl sharýashylyǵy mınıstrliginiń 2018 jylǵy 23 shildede bekitken qaǵıdalary boıynsha, mal bordaqylaý alańyn qurýǵa ketken shyǵynnyń bir bóligine sýbsıdııa alý úshin nysanda ustalatyn iri qaranyń nemese qoıdyń sany 5 myń bastan kem bolmaýy kerek.

Básekelestikti qorǵaý jáne damytý agenttiginiń sarapshylary bul tetikti óńirlerde endi aıaqtan turyp kele jatqan kásipkerler úshin úlken kedergi dep baǵalaǵan. Sol úshin atalǵan qaǵıdaǵa túzetý engizip, «Mal bordaqylaýǵa arnalǵan obektilerdi qurý jáne keńeıtý» jobasynyń № 5 pasportyna iri qara maldy birjolǵy kútip-baǵý 500 basqa deıin, qoıdy da birjolǵy kútip-baǵý 500 basqa deıin azaıtý jolymen» kásipkerdiń ınvestıtsııalyq shyǵystardyń bir bóligin sýbsıdııalaý qajet degen nusqaý berip otyr.

«Másele sheshilý ústinde. Atalǵan tosqaýyldy agenttik mamandary aýyl sharýashylyǵy mınıstrliginiń ókilderimen birge pysyqtap jatyr», - delingen Básekelestik qorǵaý jáne damytý agenttiginiń túsindirmesinde.