Maqtaaralǵa jetisýlyqtardan ekinshi márte kómek kerýeni jetti

MAQTAARAL. QazAqparat – Búgin Túrkistan oblysy, Maqtaaral aýdanyna Jetisý óńirinen ekinshi márte gýmanıtarlyq kómek keldi. Jýyrda ǵana asa qomaqty kólemde gýmanıtarlyq kómek joldap úlgergen jetisýlyqtar bul joly da jomarttyqtaryn tanyta bildi, dep habarlaıdy QazAqparat tilshisi.

Igi is «Nur Otan» partııasy Almaty oblystyq fılıalynyń tóraǵasy, oblys ákimi A.Batalovtyń bastamasymen qolǵa alynǵan. Bastamaǵa partııanyń belsendi músheleri – halyq qalaýlylary, metsenattar atsalysyp, 80 tonnadaı júk jiberip otyr. Onyń ishinde qurylysqa qajetti qyzyl kirpish, gazoblok pen qurǵaq qospalar bar. Jomarttyq jasaýshylar qatarynda depýtattar – J.Úshkempirov, D.Moldahalyqova jáne T.Botabekov bar. Kerýendi Maqtaaralǵa shyǵaryp salǵan «Nur Otan» partııasy Almaty oblystyq fılıaly tóraǵasynyń birinshi orynbasary J.Jórgenbaev jetisýlyqtar Maqtaaralmen birge ekenin, gýmanıtarlyq kómek ekinshi márte jóneltilip otyrǵanyn habarlady.

Aıta keteıik, buǵan deıin mamyr aıynyń ortasynda Almaty oblysynan Myrzashólge 260 tonnadan astam gýmanıtarlyq kómek kelgen bolatyn.