Maqtaaralǵa Batys Qazaqstan oblysynan kómek kelip jetti

MAQTAARAL. QazAqparat – Maqtaaraldaǵy topan sýdan zardap shekken turǵyndarǵa Batys Qazaqstan oblysynan 20 tonnadaı gýmanıtarlyq kómek keldi. Qaıyrymdylyq kerýenin «Nur Otan» partııasy Batys Qazaqstan oblystyq fılıaly uıymdastyryp, jergilikti kásipkerlerdi jumyldyrdy, habarlaıdy QazAqparat tilshisi.

Jalpy quny 10 mln teńgelik júk Atakenttegi ortalyq qoımaǵa jetkizildi. Aqjaıyqtyń jaǵalaýynan kelgen azamattar turǵyndardyń suranysyna sáıkes, azyq-túlikpen qatar ózge de qajetti zattardy ala kelgen.

Onyń ishinde 1 tonna un, 1500 lıtr ósimdik maıy, 2000 dana konservilengen taǵam bar. Oǵan qosa 1 myń dana shelek pen kir jýǵysh ydystar, 300 tósenish pen jyly jamylǵy da jetkizilgen.

Maqtaaraldyq jurtshylyqqa sondaı-aq, «Talap» AQ antıseptıkteri men gıgıenalyq zattary, jórgekter de tapsyryldy. Bul zattardy jınaqtaýǵa sol óńirdegi oblystyq máslıhat depýtattary Nurǵazy Sátbaev pen Murat Jákibaev, Valerıı Goloýhov pen Valerıı Krylov jáne «Kýbleı» JShS ujymy men metsenattar atsalysqan.

Batystaǵy aǵaıynnyń ystyq yqylasyn ala kelgen azamattar maqtaaraldyqtarǵa ári qaraı kómek kórsetýge daıyn ekenin bildirdi.