Maqtaaralǵa alǵashqy gýmanıtarlyq kómek jetti

MAQTAARAL. QazAqparat - Sý tasqyny bolǵan Maqtaaral aýdanyna alǵashqy gýmanıtarlyq kómek jetti, dep habarlaıdy QazAqparat tilshisi.

Jambyl oblysy ákimdiginiń uıymdastyrýymen 30 tonnadan asa azyq-túlik tıelgen kerýen Jambyl oblysynan keldi.

Kóne shahardyń jaqsylarynan jylý jınap, kómekke asyqqan jambyldyq kásipkerler 10 tonna un, 10 tonna kúrish, 5 tonna qant, 1 tonna grechka, 2 tonna suıyq maı, 2 tonna makaron ónimderi men 5 tonna gıgıenalyq zattar jibergen. Búgin bas-aıaǵy 10 mıllıon teńgeden astam demeýshilerdiń esebinen jınalǵan kómek tasqyn sýdan zardap shekken azamattarǵa úlestiriledi.

Jambyl oblysy ákiminiń orynbasary Nurjan Kalendııarov sarqyn sýdan japa shekken maqtaaraldyqtarǵa munymen kómek toqtap qalmaıtynyn aıtty.

«Túrkistan» korporatıvtik áleýmettik damý qory.

Túrkistan oblysy, Túrkistan qalasy, Qyzylorda tas joly 34A

BIN: 100440016000

Kbe 18, KNP – 119,

AO «Halyk Bank»

IIK: KZ886010001000002491

BIK HSBKKZKX

Esterińizge sala keteıik, 1 mamyrda Sardoba sý qoımasy bógetin sý shaıyp ketýine baılanysty Ózbekstannyń Syrdarııa oblysyndaǵy eldimekendi sý basty.

Sonyń saldarynan Maqtaaral aýdanynda shekara mańyndaǵy birneshe kollektor sýǵa tolyp qalǵan. Maqtaaraldaǵy ortalyq kollektordan sý syrtqa jaıylyp, Jeńis, Jańa turmys aýyldaryn sý alyp ketti.

Sondaı-aq, Túrkistan oblysyndaǵy eldi mekenderdi sý basý saldaryn joıý jónindegi Úkimettik komıssııa quryldy.