Maqtaaraldyqtarǵa kómek qoryna 117 mln teńgeden astam qarajat jınaldy

MAQTAARAL. QazAqparat - «Túrkistan» áleýmettik damý korporatıvtik qory Maqtaaral aýdanynda sý tasqynynan zardap shekken azamattarǵa kómek kórsetý úshin qarajat jınap jatyr. Bul jóninde QazAqparat óńirlik kommýnıkatsııalar qyzmetine silteme jasap habarlaıdy.

Ol úshin arnaıy esepshot ashylyp, barlyq BAQ betteri men áleýmettik jelilerde keńinen nasıhattaý jumystary júrgizilgen. Nátıjesinde búgingi tańda qorǵa 117 mln teńgeden astam qarajat túsken. Bul qarjy Maqtaaral aýdanynda turǵyn úı salý, egin men mal shyǵynyn óteýge jumsalady.

Aıta keteıik, qor óz jumysyn ótken jylǵy Arys qalasyndaǵy tótenshe jaǵdaı kezindegi is-qımyl algorıtmi boıynsha júrgizip otyr. Sol kezde qor arqyly qalpyna keltirý, qurylys jumystaryna jáne Arys qalasynyń zardap shekken turǵyndaryna qyrýar qarajat jınalǵan bolatyn.