Maqtaaraldyqtar úı jıhazdarymen qamtamasyz etildi

NUR-SULTAN. QazAqparat - Túrkistan oblysy Maqtaaral aýdany Órgebas jáne Fırdoýsı aýyldarynyń turǵyndary úshin «Astana Motors» kompanııasy jalpy quny 50,5 mln teńgeniń jıhazyn syıǵa tartty. Jatyn bólmelerdiń alǵashqy toptamasy turǵyndarǵa jetkizildi, dep habarlaıdy oblystyq ákimdiktiń baspasóz qyzmeti.

«Astana Motors» turaqty túrde áleýmettik qoldaý kórsetip keledi. Kompanııa tarapynan tótenshe jaǵdaı kezinde Arys qalasynyń turǵyndaryna 20 mln teńge jáne gýmanıtarlyq kómek jiberildi. Maqtaaral aýdanynyń turǵyndaryn jıhazben qamtamasyz etý jobasy «Túrkistan» ÁKK» AQ janyndaǵy «Túrkistan» korporatıvtik áleýmettik damý qory arqyly júzege asyryldy.

Eske sala keteıik, Sardoba sý qoımasy bógetiniń jarylýy saldarynan 895 otbasy zardap shekken bolatyn. Búginde baspanalar buzylyp, qaıta salynýda. Infraqurylymdy qalpyna keltirý jumystary jalǵasýda. Jeńis, Jańaturmys, Dostyq eldimekenderiniń turǵyndary úshin Myrzakent aýylynda jańa yqshamaýdan boı kóterdi. Aýdanda 9 áleýmettik nysannyń qurylysy júrip jatyr.