Maqtaaraldyqtar Prezıdent joldaýyn zor yqylaspen qabyldady

MAQTAARAL. QazAqparat – Túrkistan oblysy Maqtaaral aýdanynyń turǵyndary QR Prezıdenti Qasym-Jomart Toqaevtyń halyqqa arnaǵan «Syndarly qoǵamdyq dıalog - Qazaqstannyń turaqtylyǵy men órkendeýiniń negizi» atty Joldaýyn zor yqylaspen qabyldady, dep habarlaıdy QazAqparat tilshisi.

Aýdan ákimi apparaty men barlyq aýyl ákimdikteriniń ujymy Joldaýdy arnaıy uıymdastyrylǵan efırden tamashalady.

Memlekettik qyzmetkerler Prezıdenttiń Joldaýynda aıtylǵan tyń bastamalardy zor yqylaspen qabyldady. Ásirese, «Áleýmettik jańǵyrýdyń jańa kezeńi» atty bólimindegi áleýmettik salalar men halyqtyń áleýmettik jaǵdaıyn kóterýge baǵyttalǵan josparlardy jergilikti jerde oryndaýǵa qulshyna kirisetinin aıtty.

Aıta keteıik, Prezıdent Joldaýyn Maqtaaral aýdanynyń derbes bólimderi, kentter men aýyldyq okrýg ákimi apparatynyń ujymy jáne basqa da memlekettik mekemeler men jekemenshik mekemelerdiń ujymy jumys oryndarynda tyńdap, ózara pikir almasty.

Aýyldar men eldi mekenderde turǵyndarǵa Joldaýdy nasıhattaý sharalary qolǵa alynyp, arnaıy top quramy belgilendi. Bul toptar aldaǵy kúnderi aýdan halqyn aralap, turǵyndarǵa Joldaýda aıtylǵan mańyzdy máselelerdi túsindiredi.