Maqtaaraldyq balalarǵa 15 mln teńgege syılyq jasaldy
Qaıyrymdy jandar jetkinshekterge 15 mln teńge qarajatyna kıim-keshekter men keńse taýarlary salynǵan rıýkzaktar tabystady, dep habarlaıdy QazAqparat tilshisi.
Qaıyrymdylyq qordyń syılyqtary 5-9 synyptarda oqıtyn 251 oqýshyǵa tartý etildi. Qormen birge balalarǵa qýanyshty kóńil-kúı syılaý úshin áıgili JOKEASSES komandasynyń vaınerleri de keldi.
«Túrkistan oblysynyń ákimdiginen biz Qapshaǵaıǵa Maqtaaral aýdanynan balalardyń kelgeni jáne olarǵa kıim kerek ekeni týraly málimet aldyq. Budan keıin biz Qapshaǵaı qalasyndaǵy «Baldáýren» respýblıkalyq oqý-saýyqtyrý ortalyǵynyń basshylyǵyna habarlasyp, naqty ne satyp alý kerektigin bildik. Sóıtip, ár balanyń jasyn, boıyn jáne ólshemin eskere otyryp, 251 jınaq jasadyq. Buǵan qosymsha mektepte oqýǵa qajettiniń barlyǵy salynǵan jaqsy rıýkzaktar syılaıtyn boldyq. Demalystyń mundaı tamasha aıaqtalýy olarǵa jaqsy kóńil-kúı syılap, búkil jazǵa qýat berdi dep úmittenemiz», - dep pikirin bildirdi «AıALA» qorynyń prezıdenti Aıdan Súleımenova.
Aıta keteıik, Maqtaaral aýdanyń balalary oqý-saýyqtyrý ortalyǵynda 2 aptadan beri demalyp jatyr. Olar ashyq basseınde shomylyp, saýyqtyrý, sport sektsııalarynda tennıs oınap, sadaqpen atyp, fıtnespen aınalysýda. Bilikti pedagog-psıhologtar da jetkinshektermen jumys istep, jasóspirimder oqý jylyn sátti aıaqtady.