Maqtaaraldyq ájeler referendýmǵa ulttyq kıimmen keldi

TÚRKІSTAN. QazAqparat - Maqtaaraldyq ájeler referendýmǵa ulttyq kıimmen kelip, shashý shashty, dep habarlaıdy QazAqparat tilshisi.

Aqjaýlyqty analar elimizde ótip jatqan búkilhalyqtyq referendýmnyń halyq úshin zor qýanysh, úlken toı ekenin atap ótti.

«Jańa Qazaqstandy qurý jolynda referendýmnyń mańyzy joǵary. Sondyqtan, bala-shaǵamyzdyń, nemere-shóberemizdiń jarqyn bolashaǵyna senim artyp, durys tańdaý jasaý úshin aýyldyń ájeleri bolyp ýchaskege keldik», - dedi olar.

Qazaqtyń salt-dástúrine óte berik aýyldyń ájeleri aq batalaryn berip, izgi tilekterin jetkizdi.

Aıta keteıik, Maqtaaral aýdanynda 59 referendým ýchaskesi tańnan beri jumys istep tur. Aýdan aýmaǵynda respýblıkalyq referendýmǵa qatysýǵa quqyǵy bar 70587 azamat tirkelgen

.