Maqtaaralda volonterler tikken maska tegin taratylyp jatyr

TÚRKІSTAN. QazAqparat – Túrkistan oblysy Maqtaaral aýdanynda qaýipti indettiń aldyn alýǵa baılanysty qaýipsizdik sharalary kúsheıdi. Jaǵdaıdy paıdalanyp keıbir ákkiler qyrýar paıda tabýǵa umtylsa, eriktiler betperde tigýdi qolǵa aldy, dep habarlaıdy QazAqparat tilshisi.

Myrzakent kentinde ornalasqan bóbekjaı balabaqshasynyń quryltaıshysy Ádemaý Sháripqyzy men ózge mektepke deıingi mekeme qyzmetkerlerinen qurylǵan volonterler toby betperde shyǵara bastady. Aýdan ákimdiginiń úılestirýimen qolǵa alynǵan sharaǵa aýdannyń erikti jastary da atsalysýda. 40-qa tarta qyz-kelinshek eki aýysymda jumys istep, táýligine 2000 dana maska tigýde.

Jergilikti kásipker Ádemaý Ábdimanapovanyń qarjysyna tigilip jatqan medıtsınalyq maskany aýdan ákimdigi arzan baǵada satyp alyp, turǵyndarǵa tegin taratýda. Kásipkerdiń mundaı áreketke barýyna eldegi jaǵdaıǵa baılanysty betperdege degen suranystyń artýy, tapshylyǵy sebep bolǵan.

«Eldegi karantınge baılanysty keıbir pysyqaılar jaǵdaıdy paıdalanyp, maska baǵasyn qymbattatyp otyr. Sol arqyly paıda tabýdy kózdeýde. Osyndaı qıyn sátte qolynan is keletin áriptesterim men jastardyń basyn qosyp, maska tigýdi qolǵa aldyq. Qıyn-qystaý sátte qolymyzdan keletin ispen aınalysyp, elge paıdamyzdyq tıgizsek deımiz»,- deıdi Ádemaý Ábdimanapova.

Kásipkerdiń ıgi bastamasyna rızashylyǵyn bildirgen Maqtaaral aýdanynyń ákimi Baqyt Asanov aldaǵy ýaqytta kásipkerge jan-jaqty qoldaý bildiretinin, maska tigýge qajetti zattarmen qamtýda eshqandaı qıyndyq bolmaıtynyn aıtty.