Maqtaaralda memlekettik qyzmetshiler arasynda spartakıada ótti

MAQTAARAL. QazAqparat – Túrkistan oblysy Maqtaaral aýdanynda memlekettik qyzmetshiler arasynda spartakıada ótti. Ulttyq valıýta kúni qarsańynda uıymdastyrylǵan sporttyq sharaǵa qatysýshylar shaǵyn fýtbol, ústel tennısi jáne bılıard boıynsha jarysty, dep habarlaıdy QazAqparat tilshisi.

Maqtaaral aýdanynyń ekonomıka jáne qarjy bólimi men dene shynyqtyrý jáne sport bólimderi uıymdastyrǵan jarystyń saltanatty ashylý rásimine aýdan ákiminiń orynbasary Beısenbaı Tórebekov qatysyp, ulttyq valıýtamyz teńgeniń resmı aınalymǵa engeni kúni qazaq eli úshin aıryqsha tarıhı data bolǵanyn eske saldy.

«Alǵashqy teńgemizde Ábý Nasyr ál-Farabı, Súıinbaı, Qurmanǵazy, Shoqan, Abaı, Ábilqaıyr han, Abylaı han babalarymyz beınelenip, qazaǵymyzdyń tarıhy jańǵyrdy. Osylaısha táýelsiz elimizdiń óz valıýtasy paıda bolyp, tarıhtyń jańa paraqtary ashyldy», - dedi Beısenbaı Tasbolatuly.

Memlekettik qyzmetkerler arasyndaǵy jarys óte tartysty ótip, nátıje boıynsha jeńimpazdar anyqtaldy. Jarys qorytyndysy boıynsha jeńimpaz atanǵan komandalar men oıynshylar aýdan ákiminiń arnaıy dıplomy jáne kýboktarmen marapattaldy.