Maqtaaralda kópbalaly jáne az qamtylǵan 50 otbasy baspanaly boldy
«Nurly jer» baǵdarlamasy aıasynda salynǵan áleýmettik turǵyn úıler baspana kezegindegi turǵyndarǵa úılestiriledi. Túrkistan oblysynyń ákimi Ómirzaq Shókeev jumys saparymen Maqtaaral aýdanynda bolyp, aýdannyń búgingi tynys - tirshiligimen tanysty.
Myrzakent kentindegi jańadan salynǵan meltekaýdanda bolǵan oblys basshysy “Nurly jer” baǵdarlamasy aıasynda qurylysy josparlanǵan kópqabatty turǵyn úı jobalarymen tanysyp, birqatar mańyzdy máselelerdi talqylady. Qurylysy júrip jatqan mektep pen balabaqshada bolǵan aımaq basshysy, merdigerlermen kezdesti. Bilim uıalaryn jańa oqý jylyna deıin paıdalanýǵa berýdi mindettedi. Qaıta jóndeýden ótken «Dańq» alleıasyn aralap, jańadan qolǵa alynǵan jobalarǵa qatysty aýdan basshylyǵyna birqatar tapsyrmalar berdi.
Sonymen qatar, qaıta qurý jumystary júrgizilgen Q. Muńaıtpasov atyndaǵy ortalyq stadıonynda bolyp, aýdandaǵy buqaralyq sportty damytý jaǵdaıyn pysyqtady. Myrzakentte jańadan boı kótergen Aýyldyq dárigerlik ambýlatorııada boldy. Ambýlatorııalyq-emhanalyq qyzmet kórsetý mekemesi paıdalanýǵa berýge daıyn. Medıtsınalyq mekeme zamanaýı qondyrǵylarmen tolyq jabdyqtalady. Dál osyndaı Aýyldyq dárigerlik ambýlatorııa men Feldsherlik-akýsherlik beket jaqyn kúnderi Órgebas pen Fırdaýsı aýyldarynda da ashylady. Myrzakent kentinde salynǵan jańa qalashyqta bolyp, onda salynyp jatqan áleýmettik nysandardyń qurylysy barysyn baqylady.