Maqtaaralda bos jumys oryndarynyń jármeńkesi uıymdastyryldy

MAQTAARAL. QazAqparat – Túrkistan oblysy, Maqtaaral aýdanynda bos jumys oryndarynyń jyljymaly jármeńkesi uıymdastyrylýda. Atalǵan shara topan sýdan zardap shekken aýyldardyń turǵyndaryna salynyp jatqan turǵyn úılerdiń qurylysyna qajetti jumysshylardy tartý maqsatynda ótkizilýde, dep habarlaıdy QazAqparat tilshisi.

Aýdandyq jumyspen qamtý ortalyǵynyń mamandary 2 kent pen 9 aýyldyq okrýgti aralap,turǵyndarǵa bos jumys oryndaryn usyndy. Jyljymaly jármeńke barysynda 32 merdiger mekemege qajetti ár túrli qyzmetker kerektigi aıtyldy. Sala mamandarynyń sózinshe, jumysshylarǵa jalaqy kelisim túrinde tólenetin bolady. Máselen, qabyrǵa órýdiń bir sharshy metri 7 myń teńge bolsa, shatyr jabý 1.5- 2 myń teńge arasynda. Sondaı-aq, seımobeldeý quıýdyń sharshy metri 1,5 myń teńge shamasynda baǵalanǵan. Aýdandyq halyqty jumyspen qamtý ortalyǵy dırektorynyń orynbasary Jaqsybek Toqbergenov jármeńkeniń aldaǵy ýaqytta da óz jalǵasyn tabatynyn atap ótti.