Maqtaaralda bilim kúni keń kólemde atalyp ótti

MAQTAARAL. QazAqparat – Túrkistan oblysy Maqtaaral aýdanynyń ákimi Baqyt Asanov 1 qyrkúıek - bilim kúni merekesine oraı Myrzakent kentinde №2 Abylaıhan atyndaǵy jalpy orta mektebinde boldy, dep habarlaıdy QazAqparat tilshisi.

Saltanatty sharaǵa bilim bóliminiń basshysy Muratbek Serikbaev pen ardager ustazdar, ata-analar men mektep túlekteri qatysty.

Bilim kúnine oraı uıymdastyrylǵan jıynda aýdan basshysy quttyqtaý sóz sóılep, bilim salasynda atqarylyp jatqan jumystar barysyn baıandap ótti. Jańadan mektep tabaldyryǵyn attaǵan jetkinshekterdi alǵashqy qadamymen quttyqtap, izgi tilegin jetkizdi.

«Mine, búgin dástúrli túrde óte bir qýanyshty kún – alǵashqy qońyraý, bilim kúni toılanýda. Eń birinshi ret mektep tabaldyryǵyn attaǵan búldirshinderdi, olardyń bolashaǵynyń negizin qalaýshy ardaqty ustazdarymyzdy aıtýly merekemen shyn júrekten quttyqtaımyn. Barshańyzdyń otbasyńyzdan bereke ketpeı, isterińiz tabysqa toly bolsyn. Búldirshinderimizdiń mektep tabaldyryǵyn attaǵan qadamy berekeli bolyp, táýelsiz elimizdi gúldendirer, ekonomıkasyn alǵa súırer eljandy azamattar bolyp jetilsin» - dedi Baqyt Asanov.

Saltanatty shara sońynda ata-analar, ardager ustazdar, oqýshylar mektep ujymyna ystyq yqylasyn bildirip, bilim kúnimen quttyqtady. Jıynda mektep oqýshylary kontserttik baǵdarlama qoıyp, jurtshylyqqa kóterińki kóńil-kúı syılady.