Maqtaaralda beton zaýyty aıyna 30 mln teńgeniń ónimin shyǵarady
2009 jyly Shymkent qalasynda negizi qalanǵan «Ǵıbrat Qurylys» JShS bıyl Maqtaaralda qaıta tirkeýden ótti. Sholpan Dúısenbına basshylyq etetin zaýyt Maqtaaralda PÝID-2 jobasy aıasynda jalpy jobalyq quny 115 mıllıon teńgeniń tapsyrysyn qabyldap, aǵyn sý júıelerin salý men olarǵa qajetti ónimder shyǵarý, kanaldardy tazartýdan bólek, gaz jelilerine jáne túrli mekemeler men jeke tulǵalardyń tapsyrysy boıynsha temir-betondar jasaýda.
«Túrkııanyń «Ýmman» fırmasynyń zaýytynda shyǵarylǵan alyp qondyrǵy saǵatyna 60 kýb daıyn beton shyǵarýǵa qaýqarly. Sol qondyrǵynyń arqasynda biz 4 túrli ónim shyǵara alamyz. Ózimizge qajetti shıkizattardyń barlyǵyn da Shymkentten aldyramyz. Sebebi jetkizýshilerimizben talaı jyldan beri jumys istep kele jatqandyqtan, olar bizge tek sapaly ónim jiberýde», – dedi kásiporynnyń ınjener-tehnology Ábdirahman Qarabekov.
57 azamatty turaqty jumyspen qamtyp otyrǵan kásiporynda ortasha jalaqy 130 myń teńgeni quraıdy. Jumysshylar ystyq tamaqpen, jatyn orynmen tolyq qamtylǵan. Aı saıyn orta eseppen 30 mıllıon teńgeniń ónimin shyǵaratyn kásiporyn basshylyǵy suranys pen usynysqa qaraı ónim kólemin arttyrýǵa qaýqarly ekendikterin jetkizdi.
Aıta keteıik, munan bólek Maqtaaral aýdanynyń ındýstrıaldy aımaǵynda 2018 jyly qondyrǵylarynyń barlyq fýnktsııasy bir tetikten basqarylatyn «Soldatos» asfalt-beton zaýyty iske qosylǵan bolatyn. Gretsııa memleketiniń ınvestıtsııasy arqasynda Alzaq Shyntaevtyń basshylyǵyndaǵy óndiris orny táýligine 1000 tonna asfalt-beton ónimderin óndire alady. Quny 300 mıllıon teńgeni quraıtyn zaýyt 30 adamdy jumyspen qamtyp otyr.