Maqtaaral aýdanynyń ákimi úshem bosanǵan anaǵa tartý-taralǵy jasady

TÚRKІSTAN. QazAqparat – Túrkistan oblysy Maqtaaral aýdanynyń ákimi Baqyt Asanov Dostyq aýyldyq okrýgine qarasty Besketik eldimekeninde turatyn Saqbaevtar shańyraǵynda boldy. Aýdan basshysy úshem bosanǵan anaǵa tartý-taralǵy jasady, dep habarlaıdy QazAqparat tilshisi.

Otbasynyń kelini, 20 jasar ana Asylzat Eraly osy jyldyń 12 qarashasynda 3 ul balany dúnıege ákelgen bolatyn. Jas anany quttyqtaǵan aýdan basshysy izgi tilegin arnap, arnaıy syı-sııapatyn tabystady.

Conymen qatar, aýyl ákimi men ýchaskelik dárigerlerge ana men bala jaǵdaıynan jıi habar alyp turý kerektigi jóninde tapsyrma berdi.

«Memleketimiz halyqtyń sanyn barynsha ósirýge múddeli. Sondyqtan, ana men balaǵa, kópbalaly analarǵa jaǵdaı jasaý úshin memleket tarapynan túrli áleýmettik kómekter berý qarastyrylǵan. Bul rette aýdanymyz sábılerdiń týý kórsetkishi boıynsha joǵary óńir sanalady. Mine, oǵan dálel retinde jas ana Asylzat Aınabekqyzyn aıtýǵa bolady. Birden úsh sábıdi bosaný - bul erlikpen para-par. Sondyqtan, aýdan basshysy retinde quttyqtap, jaǵdaıynan habar alý - men úshin paryz. Jas anaǵa jáne ómirge kelgen úsh birdeı ulymyzǵa zor densaýlyq tileımin», - dedi Baqyt Nasyrhanuly.

Aıta keteıik, jas ana Asylzat Eraly QR «Balaly otbasylarǵa beriletin memlekettik járdemaqy týraly» jáne QR «Ataýly áleýmettik kómek týraly» zańy boıynsha bala 1 jasqa tolǵanǵa deıingi jáne ataýly áleýmettik kómek túrindegi járdemaqyny alady.