Maqtaaral aýdanynda ıgerilmeı bos jatqan jerler memleket menshigine qaıtarylýda
Jer ýchaskeleri boıynsha salyq bereshegin óndirý týraly habarlamalar joldandy, dep habarlaıdy Túrkistan oblysy ákiminiń baspasóz qyzmeti.
Aýdan aýmaǵynda jeke tulǵalardyń kásipkerlik maqsattaǵy jer telimderin túgendeý jumystarynyń barysynda 10 azamatqa tıesili 5 gektarǵa jýyq jer telimi anyqtalyp, Túrkistan oblysynyń jer ınspektsııasy basqarmasyna tıisti shara qabyldaý úshin jáne memlekettik kirister departamentine salyq bereshegin óndirý boıynsha usynys hattar berilgen.
Sondaı-aq turǵyn úı maqsatynda 42 azamatqa tıesili ıgerilmegen 6,5 gektar jer kólemi anyqtalyp, 1 gektar jerge berilgen sheshimderdiń kúshi joıyldy. Qalǵan jer ýchaskesiniń ıelerine habarlamalar taratyldy. Sonymen qatar, Myrzakent kentiniń bas josparyna sáıkes, Eńbekshi jáne Jańajol aýyldyq okrýgterinen aýyl sharýashylyǵy maqsatyndaǵy jer ýchaskelerin memleket muqtajdyǵy úshin 24 jer ıelenýshiniń 140 gektardan asatyn jeri alynǵan. Onyń ishinde 70 gektar jer ıeleri óz erkimen bas tartqan.
Odan bólek, aýdan aýmaǵynda 14 myńnan astam aýlaǵa 4,5 gektar jer telimi tıesili. Búgingi tańda úıirgelik jerlerdi ıgerý máselesi óte mańyzdy bolyp tur. Qosymsha tabys kózi bolyp tabylatyn jerge túrli kókónis, baqsha jáne mal azyqtyq daqyldardy, sonymen qatar jemis aǵashtaryn otyrǵyzyp, paıda tabýǵa bolatyndyǵy týraly túsindirý jumystary júrgizilgen.