Maqta egýdi qysqartý kerek - Ómirzaq Shókeev

NUR-SULTAN - TÚRKІSTAN. QazAqparat – Túrkistan oblysynyń ákimi Ómirzaq Shókeev maqta baǵasynyń arzandyǵy týraly sharýalar shaǵymyna pikir bildirdi, dep habarlaıdy QazAqparat tilshisi.

Ákimge maqtashy qaýymnyń jaz boıy beınettengen óniminiń ár kelisi 150 teńgeden zaýytqa satylatyny týraly suraq qoıyldy.

«Bıyl maqtanyń naryqtaǵy baǵasy tómen. Maqta óńdeıtin zaýyttar ónimniń ár tonnasyna 120 myń teńge tóleımiz dep aıtqan bolatyn. Biz aralasyp, 150 myń teńgege kóterdik. Odan ári kóterý múmkindigi joq. Jalpy, maqta týraly talaı atyp kele jatyrmyn. Maqta egýdi qysqartý kerek. Óıtkeni óte tıimsiz daqyl bop tur qazir. Onyń ornyna kókónis, baý-baqshany kóbeıtýimiz kerek. Ony qalaı jasaý kerektigin úıretý úshin qaıta-qaıta semınar ótkizip jatyrmyz. Kelesi jyly bul jaǵynan betburys bolady dep oılaımyn», – dedi oblys ákimi Ortalyq kommýnıkatsııalar qyzmetinde ótken baspasóz máslıhatynda.