Maksım Rojın assambleıanyń medıaplatformasyn qurýdy usyndy
«Óz basym osy Joldaýdan aldaǵy ýaqytta jańa Qazaqstan ulttyq múddege negizdeletinin jaqsy túsindim. Ulttyq múddege negizdeletin ár qadamymyz jańa Qazaqstandy qurady. Bul maqsattaǵy ár qadamymyz baıyppen, asyǵystyq tanytpaı, birlikte jasalýy kerek. Búgin usynystar kóp aıtylyp jatyr. Medıa salasynyń mamany bolǵandyqtan mende de bir jaqsy usynys bar. Assambleıaǵa ár túrli syn aıtylyp júr. Sonyń ishinde assambleıaǵa óziniń atqarǵan jumysyn kóbirek ashyp kórsetý kerek sııaqty. «QHA-medıa» formatynda dostyqty nyǵaıtýǵa mán berip, «Prezıdent Joldaýyn qalaı iske asyrýǵa bolady» degen taqyrypqa jastardy da jumyldyrý kerek. Osy baǵyttaǵy jobalardy jandandyrý kerek sııaqty. Medıasalaǵa qatysy bar jastar osyǵan belsene aralasady degen senimdemin», - dedi ol Qazaqstan halqy Assambleıasynyń saıası keńesinde.
Bul usynysty Prezıdent ákimshiligi basshysynyń orynbasary Aıda Balaeva qoldady.
«Búgin Maksım Rojın óz sózinde ulttyq múdde týraly túıisken jerde ishki saıası turaqtylyq, ultaralyq kelisim, baqýat bolady. Sol úshin kúndelikti jumys istep, bar kúshimizdi salyp júrmiz. Búgingi aıtylǵan usynystar azamattarymyzdyń ál-aýqatyna yqpal etedi. Joldaýdyń tıimdi iske asyrylýyn qamtamasyz etý qajettigin túsiný óte mańyzdy. Bul árqaısymyzǵa baılanysty. Búgingi syndarly dıalogtyń arqasynda naqty usynystar aıtylyp jatyr. Joldaýdyń búkil tezısterin eskere otyryp, assambleıadaǵy barlyq qurylymdyq bólimsheler jumysynyń úlgilik josparyn birlesip jasaǵanymyz mańyzdy dep oılaımyn. Men Maksım Rojınniń Qazaqstan halqy Assambleıasynyń medıaplatformasyn qurý týraly usynysyn tolyǵymen qoldaımyn. Óıtkeni Assambleıanyń ınstıtýttary atqaratyn aýqymdy jumysty kórsetý mańyzdy», - dedi Aıda Balaeva.