«Maqsat- jaýyngerlik ázirligin kóterý»-respýblıkalyq basylymdarǵa sholý

ASTANA. 29 aqpan. QazAqparat - Qazaq aqparat agenttigi respýblıkalyq basylymdarda 29 aqpan, sársenbi kúni shyqqan ózekti materıaldarǵa sholýdy usynady.

***

Keshe Úkimet úıinde Premer-Mınıstr Kárim Másimovtiń qatysýmen selektorlyq keńes ótti. Onda Kólik jáne kommýnıkatsııa mınıstri Asqar Jumaǵa­lıev Memleket basshysynyń el halqyna ar­naǵan «Áleýmettik-ekono­mı­ka­lyq jańǵyrtý - Qazaqstan da­mýy­nyń basty baǵyty» atty Jol­daýynda aıtylǵan memle­ket­tik qyzmetterdiń sapasyn arttyrýdy júzege asyrý barysy týraly baıandama jasady. Óz baıandamasynda Asqar Juma­ǵalıev áleý­mettik mańyzdy memlekettik qyz­metterdi avtomattandyrý jáne ońtaılandyrý, avtokólik qural­da­ryn tirkeý jáne júrgizýshi kýáligin berýmen aınalysatyn maman­dan­dy­ryl­ǵan halyqqa qyzmet kórsetý ortalyqtaryn qurý jumystary týraly aıtty. Otyrys barysynda kóterilgen osy jáne ózge de máseleler jóninde «Egemen Qazaqstan» basylymynyń búgingi sanyndaǵy «Elektrondy úkimet qyzmeti odan ári damytylady» atty maqaladan bilesizder.

 Sondaı-aq osy basylymnyń jazýynsha, bıyl Qazaqstan Respýblıkasy Qarýly Kúshteriniń qurylǵanyna 20 jyl tolyp otyr. Táýelsizdiktiń eleń-alańynda eńse kótergen qazaq áskeri osy jyldar aralyǵynda qýatty eldiń qurysh qaıratyna aınaldy. Qarýly Kúshterdiń aldynda alǵashqy kúnnen jaýyn­ger­lik daıyndyqty nyǵaıtý men ony odan ári jetildirý tapsyrmalary turdy. Qazaqstan halqy búgingi kúni ózderiniń qaýipsizdigi berik qolda ekenine senimdi. Qazaqstan zamanaýı, jınaqy da utqyr, jaýyngerlik daıyndyq deń­geıi joǵary armııa qurý jolyn tańdady. Col sebepti de Qarýly Kúsh­ter­diń jaýyngerlik ázirlik deńgeıin kóterý memlekettiń áskerı qaýip­siz­dik salasyndaǵy basty tapsyrma­lary­nyń biri bolyp qala bermek. Bul týraly «Maqsat- jaýyngerlik ázirligin kóterý» atty maqaladan qarańyzdar.

***

Jambyl jáne Almaty oblysynda aýsyl indetiniń taralýy kontrabandalyq maldan boldy», - dep málimdedi keshe Aýyl sharýashylyǵy mınıstrliginiń veterınarlyq baqylaý jáne qadaǵalaý komıteti tóraǵasynyń orynbasary Mereke Taıtýbaev. Qyzmettik tekseris    Jambyl oblysynyń Qordaı aýdanyndaǵy kontrabandalyq jolmen kelgen 26 bas mal ınfektsııa oshaǵynyń shyǵýyna sebep bolǵandyǵyn kórsetti.  Elimizde barlyǵy aýsyldyń 7 oshaǵy tirkelipti: Almaty oblysynda - 4, Jambyl oblysynda - 3. Elimizdiń shekara mańy aýdandary birqatar ınfektsııalyq aýrýlar, onyń ishinde aýsyl taraǵan aýmaq. Ony byltyr Qyrǵyzstanda aýsyldyń úsh oshaǵynyń anyqtalýy rastap otyr. Ol boıynsha halyqaralyq epızootıkalyq bıýroǵa bir de notıfıkatsııa jiberilmegen.  Atalmysh másele jóninde «Aıqyn» basylymynyń búgingi sanyndaǵy «Aýsyldyń aýyly qaıda?» atty maqaladan egjeı-tegjeıli bilýge bolady.

 Atalmysh basylymnyń habarlaýynsha, dúnıejúzilik boks serııasy (WSB) dodasynyń toptyq týrnırinde daralanǵan komandalar juma kúni pleı-off básekelerin bastaıdy. Segiz myqtynyń qatarynda bizdiń «Astana arlandary» da bar. «A» tobynda úshinshi oryndy ıelengen qazaqstandyqtardyń shırek fınaldaǵy qarsylasy - «Mehıko sıtı» klýby. Bul kezdesý bizdiń elde ótse, bir aptadan soń qarymta match Meksıkada uıymdastyrylady. «Mehıko sıtı» - osal komanda emes. Atalmysh klýb «V» tobynda ekinshi oryndy oljalady. Olar 10 kezdesý ótkizip, 6 ret jeńiske jetti. Jıǵan upaıy - 20. Toptyq týrnırdiń qorytyndysy boıynsha meksıkalyqtar tek Ázirbaıjannyń «Baký ottary» ujymynan ǵana qalyp qoıdy. Esesine Frantsııanyń «Parıj ıÝnaıted», Germanııanyń «Leıptsıg qabylandary», Qytaıdyń «Beıjiń aıdaharlary» jáne Túrkııanyń «Ystambul buqalary» klýbtaryn artqa tastady. Sport jankúıerleri bul týraly «Aıqyn» basylymynyń búgingi sanyndaǵy «Segiz myqty saıysqa túsedi» atty maqaladan oqı alady.

***

«Alash aınasy» basylymy búgingi sanynda «Jol boıynda qarttar entigip, jastar sekirip júr» atty problemalyq maqala basty. Onda «Elimizde jolaıyryqtar salýǵa az qarjy jumsalyp jatpaǵanymen, kópshiliktiń kóńilinen shyǵatyndaı, kólik qatynasyna da, jaıaý júrginshilerge de yńǵaıly jolaıyryqtar salýǵa ne kedergi? Bilikti maman joq pa? Álde bólingen qarjy yńǵaıly jolaıyryq salýǵa jetpeı qala ma ? Óıtkeni atqarylǵan jumysyna qarap, qarjy tıimsiz jumsaldy ma degen kúdik týady. Ne desek te, jolǵa qatysty máselede kemshilik kóp-aq»,-delingen. Bul problemanyń qyr-syry jóninde «Alash aınasy» basylymynan oqyńyzdar.

***

Memleket basshysy Nursultan Nazarbaev keshe Astana ákimi Imanǵalı Tasmaǵambetovty qabyldady. Elorda ákimi Prezıdentti sáýlet jáne qala qurylysy salasynda atqarylyp jatqan jumystarmen tanystyrdy. Sondaı-aq I.Tasmaǵambetov Memleket basshysynyń nazaryna «Asharshylyq qurbandaryna eskertkish» monýmenti men Qurmanǵazy eskertkishine qatysty respýblıkalyq konkýrstyń qorytyndy materıaldaryn usyndy. Elordany damytýda sáýlettik-kórkem jáne monýmentaldy bezendirý sharasy erekshe mánge ıe. Osyǵan qaraı búginde Astanada mádenıet jáne óner qaıratkerlerine jáne tarıhı oqıǵalarǵa arnalyp eskertkishter boı kóteretin bolady. Bul týraly «Kazahstanskaıa pravda» basylymynyń búgingi sanyndaǵy «V stolıtse býdet novyı monýment» atty maqalaǵa arqaý bolǵan.