Makınskidegi kópqabatty turǵyn úıler ortalyqtandyrylǵan jylý júıesine qosylady

KÓKShETAÝ. QazAqparat - Bulandy aýdanynda Makınsk qalasynyń ortalyǵyndaǵy turǵyn úılerdi ortalyqtandyrylǵan jylý júıesine qosý josparlanyp otyr. Bul týraly Aqmola oblysy ákimi Málik Myrzalınniń aýdan turǵyndaryn qabyldaýynda aıtyldy, dep habarlaıdy QazAqparat tilshisi ákimdiktiń baspasóz qyzmetine silteme jasap.

Aımaq basshysynyń qabyldaýyna kelgen Makınsk qalasynyń turǵyndary Altyn Nurqanova, Zoıa Zakvorıajına, Natalıa Eremenko Ýálıhanov kóshesiniń boıyndaǵy eki turǵyn úıdi ortalyqtandyrylǵan jylý júıesine qosý týraly másele kóterdi.

Málik Myrzalın qazirgi kezde aýdan ákimdigi birinshi kezekte qujattardy rásimdep jatqanyn jáne aldaǵy ýaqytta baıqaý jarııalap, merdigerdi anyqtaıtynyn aıtty.

Joba 2019 jyldyń sońyna deıin júzege asyrylatyn bolady. Sol kezde kópqabatty 20 úı ortalyqtandyrylǵan jylý júıesine qosylady. Onyń ishinde qabyldaýǵa kelgen turǵyndar turatyn úıler de bar.

Sonymen qatar, osy kúni qabyldaýda bolǵandar azamattar oblys ákimniń aıtýly shákirtaqysyn alý, jer telimine qatysty máselelerdi sheshýge kómektesýdi surady.

Málik Myrzalın qabyldaýǵa kelgen barlyq azamattardyń ótinish-tilekteri eskerilip, zań aıasynda sheshiletindigin túsindirdi.