«Maqattaǵy masqara, úlgi bolmasyn basqaǵa» - respýblıkalyq basylymdarǵa sholý

ASTANA. 20 qazan. QazAqparat - Qazaq aqparat agenttigi respýblıkalyq basylymdarda 20 qazan, senbi kúni shyqqan ózekti materıaldarǵa sholýdy usynady.

                                                                                  ***

«Qazir ǵalymdar qazaq jeriniń qunary jaıly jıi sóz etedi. ókinishtisi, kóńildi alań etetin jaıttar barshylyq. Tipti búgingi kúni qolǵa almasaq, bolashaqta bas shaıqaıtyn, barmaq tisteıtin jaǵdaılar da jetkilikti. Ulanǵaıyr dalanyń barlyq bóligi túgin tartsań, maıy shyǵatyn óńir emes. Sýarmaly eginshilikpen aınalysatyn aımaqtar bar. Endeshe sol jerlerdiń qunary kemip bara jatqanyna búgin beı-jaı qarap otyrýǵa negiz joq», - dep jazady «Alash aınasy» gazeti búgingi sanyndaǵy «Syr óńiri tuz óńirine aınalyp barady» degen taqyryptaǵy bas maqalasynda.  Basylymnyń atap ótýinshe, 90-shy jaldardyń basynda elimizde sýarmaly jerlerdiń aýmaǵy 2 mln. gektardan astamdy quraǵan. Al sol alqaptar jekeniń qolyna ótkennen keıin qunarsyzdanyp barady. Ásirese mundaı kórinis respýblıkanyń Ońtústigi men Batysyna tán bolyp tur.

 

Osy basylymnyń turaqty «Dat!» aıdarynda T.Júrgenov atyndaǵy QUÓA sahna tili kafedrasynyń meńgerýshisi akademık Darıǵa Turanqulovamen aradaǵy suhbat «Qazirgi jastar ónerdi baǵalamastan, ońaı tanylýdyń jolyn taýyp alǵan» degen taqyryppen berildi. Basylym tilshisiniń barlyq saýalyna tuşymdy jaýap bergen elimizdiń  eńbek sińirgen óner qaıratkeri: «Ana tilimizdiń asqaqtaýyna qalyń jurtshylyq atsalyssa eken. Zııaly qaýym til ónerin syrtqa teppeı, sóıleýdiń mádenıetin uǵynatyn bolsa, óskeleń urpaqqa sol úlgi. Ata-baba qaldyrǵan ósıet óship qalmaı, óne berse qazaqtyń mártebesi ósip, bıikten kórineri anyq. Qazaq jerinde ultty súıgish uldardy dúnıege ákeletin asyl analardy tárbıeleıik», - deıdi.

***

«Aıqyn» gazetiniń jazýynsha, Atyraý aımaǵyndaǵy iri jobalardy júzege asyrýshy sheteldik kompanııalar tarapynan shetelden «asa muqtaj mamandardy» tolassyz ákelý deregi jıi qaıtalanyp otyr. buryndary aǵash súrleýshini ákelip, qazaqstandyq jumysshylardy kemsitken sheteldik merdiger kompanııalar búginderi qoıma meńgerýshi qyzmetine de adamdy shetelden asyryp ákelýdi daǵdyǵa aınaldyrǵan. Osy jaıt arqaý bolǵan maqala «Maqattaǵy masqara, úlgi bolmasyn basqaǵa» degen taqyryppen berilgen.

Búgingi tańda dinı ekstremızm - Batys pen Shyǵystyń úlkendi-kishili elderiniń basty máselesi. Alaıda, ár eldiń qoǵamynda ózindik erekshelikter bar. Qazaqstandyǵy dinı ekstremızmniń shynaıy kelbeti qandaı? Onyń túp-tamyry qaıda jatyr jáne onymen kúresý joldary qandaı? Mine osy jáne basqa da «Astana aqshamy» gazetiniń  saýaldaryna QR Din isteri agenttiginiń tóraǵasy Qaırat Lama Sharıf egjeı-tegjeıli jaýap bergen. «Bir jaǵynan alyp qaraǵanda, dinı negizi bar, saqal men jamylǵy máselesi - árkimniń jeke sharýasy. Aıtpaqshy, bul tek ıslamǵa ǵana tán erekshelik emes. biz saqaldy pravoslav hrıstıan men basyn búrkegen hrıstıan áıelderin de kezdestire alamyz. osy sebepti de saqal men kıimdi naqty bir qubylystyń belgisi deýge bolmaıdy», - deıdi.

***

«Memleket basshysy Nursultan Nazarbaevtyń atyna Qyzylorda oblysy, Shıeli aýdanynyń bir top ardagerlerinen hat keldi», - dep jazady «Egemen Qazaqstan» gazeti. Basylymnyń atap ótýinshe, ardagerler óz hatynda El­basynyń tapsyrmasyna sáı­kes Údemeli ındýstrııalyq-ın­no­va­tsııalyq damý baǵdar­la­ma­sy aıa­syndaǵy jobalardyń iske asy­rylýy elimizdiń eko­no­mı­kalyq órkendeýin jańa deń­geıge kóter­genin atap ót­ken. «Óıt­keni, bul baǵdarlama ha­lyqtyń ál-aýqa­tyn jaqsar­tý­ǵa yqpal etip otyr. Elimiz táýelsizdik alǵan jyldardan beri memleket sheteldik iri kom­­panııalar men otan­dyq bız­nes ókilderine múm­kindi­gin­she qoldaý kórsetip, shaǵyn jáne orta bıznes salasynyń qar­qyndy damýyna jaǵdaı jasap keledi. Mysaly, 2008 jyldyń qańtar aıynda Jezqazǵan qa­la­synda ótken «Bıznestiń áleý­mettik jaýapkershiligin art­ty­rý» jónindegi forýmda Memleket basshysy bıznestiń áleý­mettik salaǵa qar­jy bólip, onyń damýyna úles qosatyn kez kelgenin aıt­qan edi. Pre­zıdenttiń osy bas­tamasy bú­gingi kúni óz jemisin berip, bız­nes ókilderi tara­pynan keńinen qoldaý taýyp otyr», dep jazady hat ıeleri.

***

«Samuryq-Qazyna» UÁQ» AQ Dırektorlar keńesi aǵymdaǵy jyldyń qazan aıynyń sońyna deıin «QazTransOıl» aktsııalarynyń baǵasyn, sanyn jáne ornalastyrý qurylymyn bekitedi. Bul týraly «Kazahstanskaıa pravda» gazetine suhbat bergen atalǵan qordyń basqarma tóraǵasy Ómirzaq Shókeev málim etken. «QazTransoıl» AQ aktsııalaryn ornalastyrý 2012 jyldyń qarashasyna josparlanyp otyr. qazirgi ýaqytta kompanııa konsýltanttary «QazTransOıl» AQ aktsıonerlik kapıtalynyń 100 paıyz qunyna saraptamany jańartty. Kompanııa aktsııalarynyń quny, sany jáne ornalastyrý qurylymy 2012 jyldyń qazan aıynyń sońynda qordyń Dırektorlar keńesimen bekitiledi dep kútilýde», - depti Ó.Shókeev.