Makaron, maı, bal: Qazaqstandyq kompanııalar Úrimshidegi kórmede óz ónimderin usyndy
Kórmeniń ashylý saltanatyna Premer-Mınıstr orynbasary – Saýda jáne ıntegratsııa mınıstri Serik Jumanǵarın qatysty.
EKSPO halyqaralyq kórmesiniń ashylýynda QKP OK Saıası bıýrosynyń múshesi, Qytaıdyń Shyńjań-Uıǵyr avtonomııalyq ólkesi (ShUAÓ) QKP partııa komıtetiniń hatshysy Ma Sınjýı sóz sóıledi. Op arnaıy kýrs Qytaıdyń Batys jáne Ortalyq Azııa elderimen yntymaqtastyqtyń ashyqtyǵyna arnalǵanyn atap ótti.
«Shyńjań – Jibek joly ekonomıkalyq beldeýiniń altyn dálizi. Ótken jyldyń shildesinen bastap Qytaı batys elderine qatysty damýdyń naqty baǵytynyń ashyqtyǵyn belgiledi. Biz barlyǵyn álem elderimen, ásirese Ortalyq Azııadaǵy yntymaqtastyqqa baǵyttalǵan saýda jáne ónerkásip salalaryndaǵy yntymaqtastyqtyń jańa platformalaryn birlesip qurýǵa shaqyramyz. Biz úlken jetistikke jettik jáne Jibek joly tarıhynyń jańa betin asha otyryp, onyń uly tarıhyn is-áreketke aınaldyrýymyz kerek», - dedi Ma Sınjýı.
Vıtse-premer Serik Jumanǵarın óz sózinde Qytaı naryǵynyń qazaqstandyq ónimderge basymdyǵyn atap ótti.
«Qazaqstan men Qytaıdy ortaq tarıh, ata-babalarymyzdan qalǵan tarıhı qaýymdastyq biriktiredi. Bul beıbitshilik, kórshilik, saýda, mádenı baılanystar almasý joly boldy. Al biz, osynaý ulan-ǵaıyr isti bastaǵan halyqtyń urpaqtary ony abyroımen jalǵastyryp, jańa urpaqqa jetkizýimiz kerek», - dedi ol.
S.Jumanǵarınniń aıtýynsha, Qazaqstan Qytaı tóraǵasy Sı Tszınpınniń osydan 10 jyl buryn Astanada jarııalanǵan «Bir beldeý – bir jol» bastamasyn qoldaıdy.
«Ústimizdegi jyldyń naýryz aıynda Sıan qalasynda bizdiń elderimizdiń basshylary halyqtarymyz arasyndaǵy ózara is-qımyl men dostyqtyń jańa, «altyn 30 jyldyǵy» bastalǵanyn jarııalady. Bizge aldaǵy jyldary saýdany $40 mlrd-qa jetkizý mindeti qoıyldy. Bul tapsyrma oryndalatynyna senimdimin. 2022 jyly ózara saýda rekordtyq kórsetkishke, ıaǵnı $24,1 mlrd-qa, al birinshi jartyjyldyqta $13,6 mlrd-qa jetti. Al jalpy taýar aınalymynyń eń úlken úlesi 40%-dan astamy Shyńjańǵa tıesili», - dedi vıtse-premer.
Ma Sınjýıdiń Almatyǵa sapary ShUAÓ-men qarym-qatynasty keńeıtýge jańa serpin berdi, onda naýryz aıynda QR – (ShUAÓ) QHR-nyń shekara mańy yntymaqtastyǵynyń ІІ Dostyq dıalogy ótti. Bul forýmda memleketterimizdiń óńirleri arasynda $565,4 mln kóleminde baýyrlastyq kelisimder men kommertsııalyq qujattar jasaldy.
Búginde qazaqstandyq agrarlyq vedomstvo Qytaıǵa agroónerkásiptik keshen ónimderiniń taǵy 11 túrin eksporttaýǵa veterınarııalyq jáne fıtosanıtarııalyq talaptardy kelisý múmkindigin pysyqtap jatyr. Bul kartop, qyzylsha tsellıýlozasy, raps, suly men jarma, bıe súti, qus eti jáne qus ónimderi, jylqy eti, salqyndatylǵan sıyr eti, qoı eti jáne shoshqa eti.
2023 jyldyń mamyr aıynan bastap Sıan qalasyndaǵy Qazaqstannyń Bas konsýldyǵynyń bazasynda qazaqstandyq ónimderdiń shoý-rýmy jumys isteıdi. Munda 25 kompanııanyń taýarlary usynylǵan.
Úrimshide «Qytaı - Eýrazııa» halyqaralyq kórmesine 40-tan astam qazaqstandyq kompanııa qatysyp jatyr. Ulttyq pavılon stendinde makaron ónimderi, maı ónimderi, kondıterlik ónimder, djemder men marmeladtar, bal, sýsyndar men sharap-araq, jarma men kebek, toqyma jáne zergerlik buıymdar, balmuzdaq qoıylǵan.
Qazaqstandyq pavılonmen birge kórmege Eýropa, Pákistan, Ózbekstan, Qyrǵyzstan jáne basqa elderdiń pavılondary qoıylǵan.